(續)鐵頭功。爆電視﹗﹗﹗

今晚諗住寫架喇。點知攪攪埋埋D野。轉眼凌晨3點~
好多人追緊細細出場。哈~
我點都要寫埋下半Part先瞓架喇﹗
皆因你地星期日喇。我寫左你地星期一返工就有得睇 XD上回講到呔仔聽到爸爸叫佢執野走時。喊到收唔到聲~
其實佢係有少少”分離症” (到而家返學。我一走佢就喊 @@)
所以”叫佢走”呢個懲罰對佢黎講係好大﹗咁好喇。細細出場喇~
條友仔一直係響度行行企企。跳黎跳去。又玩下玩具咁。
呢半粒鐘完全係無理過哥哥比爸爸教導 & 懲罰~
爸爸問細細 : 不如趕哥哥走啦好無? 佢都唔愛錫屋企既野~
細細竟然話 : 好~
哼﹗其在太無義氣了﹗﹗﹗

爸爸問下細細當時候緊咩。開始辣到去細細度喇。。
問佢有無份破壞。細細初時唔願答。支支吾吾。之後就認話自己都有份﹗

(當我知道原來細細都有份時。其實我好內疚。因為我無對呔仔公平。
無找出真相。事發後只怪責呔仔。無諗過細細都有份。
果刻係好心痛。而家諗起都想喊~)

你睇。當哥哥比爸爸喪嚇完。個樣慘到呢~~~~~
但細細係完全無悔意。完全係事不關己 -__-“

好啦。細細認左有份。爸爸當然好嬲啦﹗
第1。細細無主動認錯。仲想隱暪。唔誠實﹗
第2。見哥哥一個人頂。比人罰左咁耐都無幫口。無義氣﹗
(有無份都應該幫拖啦﹗平時哥哥一聽到我罰細細。一定會幫細佬講好說話架﹗)
第3。哥哥比人趕出門口。佢仲話好。落井下石﹗
第4。當爸爸教佢既時候。佢要斷甩開爸爸。又當耳邊風。全無悔意﹗
同埋爸爸近來發現。好多時叫細細幫手。佢都唔肯。即使盒紙巾響隔離都唔肯拎。
會話自己好忙做緊咩咩咩咁樣講借口。行為不當。爸爸更嬲﹗
(前日又發生”無義氣事件”(聽日先講)。經我果日”嚴重指摘”下。
佢呢幾日開始主動幫返手。算有改善^^)

就係因為咁多樣錯既行為。爸爸講佢又無悔意。激到爸爸發火除佢褲打大脾教訓﹗

知痛喇。喊到好淒慘。。

由於無打過呔仔。又打左細佬喎﹗
所以要捉埋呔仔黎。細細力扮打左佢一下大脾 XDDD咁老實講。今次係頭爆電視。但我覺得做錯左事唔係最重要。
最重要係佢肯唔肯承擔。有勇氣面對。解決問題﹗
呢幾樣野呔仔做得非常之好﹗
好到我想獎勵佢XD
而細細今次就令我地十分之失望。但都提醒左我地佢既性格。係要更加小心要教好佢﹗
因佢唔同大肥佬。堅係擔屎唔偷食。好男人呀﹗XD

此時呔仔已無咩電….

細細就接受唔到被打。爸爸一教佢就再喊。一講又再喊……

從哥哥既表情。睇得出係非常內疚 同埋自責…

唉~ 希望佢2個都上左出世以來最深刻既一課~

其實細細雖然硬頸。表面無野咁。但相信果晚既事。佢係入心既。。
因為連續幾晚半夜。佢都發惡夢。大嗌 “我唔想呀….”之後喪喊…..
而幾朝起身都喊住醒。好痛苦咁既樣 @@
應該都好大陰影架喇。希望佢記得唔好再犯同樣既錯~

而鐵頭呔。個頭又無咩事。係中間小小紅左一點咁。。
老實講。呢D 咁既薄電視。唔同我地細個時果D大牛龜。
用手指篤一篤都會現到條彩色線咁既~
要憾爆有幾難丫~?﹗

聽大肥佬講。係佢憾頭落電視先既。之後細細都有憾。但就係細細力。。
梗係啦。細細邊有佢咁蠢丫。條友仔好精架﹗
好彩呔仔咁講。如果係調轉。佢仲無辜呀 XDDD

作者：呔媽.Kelly

全職媽咪，視"呔細快樂成長"為己任！Brandsss@Facebook名牌手袋店Buyer。秘撈shemom. com客席寫作人。此少婦長期渴睡，幻想一天有48小時~

| Facebook | 個人介紹