呔仔。5個月大
呢5個月。呔仔同我既轉變都好大好大~~
之前日日唔同樣既呔仔。而家開始變慢左。。
睇返上個月既相。都唔係太大變化~~
而我呢~ 哇哈哈哈~~~
琴日去婦科 check-up。磅一磅。已經回落返未大肚之前既110磅~~
呢樣可算係我對呔仔全心付出既小小回報啦~~
不過頭髮仍然甩~ 醫生話試下訓多D~
我….都想…….
問過醫生。佢都建議餵人奶餵到一歲。。
到時可以直接轉飲WHOLE MILK。唔使食formula。。
咁都好既。我懶~~
大家唔使擔心呔仔戒唔到"埋身餵"。我試過比佢啜樽。一樣咁快~~
不過都會用樽比水佢飲~~
呔仔仲未識轉身。好似好想。但下盤太穩健。kick住左~~
講既BB話又多左啦。有時D音都幾似講緊野~
未識叫 "baba mama "呀~ 可能識講"食屎"先﹗ 因為weak7成日講~~
佢而家一聽到"食屎" "放臭屁" "臭屎" "痾bu屁" 就會勁笑﹗﹗
係咪BB都係咁??
"老公。你可唔可以教d有意義少少既呢??"
開始鐘意攪野。咩都攪。咩都放入口。仲要勁快。。
前幾日一手搶左我包薯片。猛食個袋~~﹗﹗
好鐘意玩 "行行" (即係ching住佢"格拉底"自己行。企都唔得要行噃﹗)
"玩爬爬"就可以雙手舉起扮飛。用個心口頂住~ 哈~~
學坐方面。都可以用手頂住坐幾分鐘。未完全自己坐唔跌。。
因為佢坐時。下盤太圓。好似不倒翁~~
勁鐘意睇電視。眼定定。唔出聲架~﹗
用手攪野都唔夠好玩。又鐘意用腳 kam野。咩都 kam一餐~~
胃口方面。其實都唔算大食。都唔知點解咁圓~~
可能我埋食餵。無計佢食幾多。。
不過食奶開始心散~
我相信已經過左一排厭奶期。因為有排佢食好少。。
好似係3月頭。其實唔使太緊張。因為緊張都無用~~~
訓覺喇~ 仲train緊。好像有少少進展~~
至少擺脫左 "2點。4點。6點一定醒" 呢個魔咒﹗﹗﹗﹗
呢幾晚。10點半左右食奶訓。。
3點幾醒一醒。暗返佢訓。。
5點幾再醒就食奶。。
之後8點左右又醒。9點半左右起身~~
無再抱訓喇。食完奶放返落床仔訓。。
如果3點幾果轉唔醒。就真係阿呢吉帝喇~~~
報告完畢~
我而家寫緊卜。就係咁樣困住佢~~
"媽媽話一日一蘋果。唔會變肥鵝~ "