笑料一則。。

時間: 琴晚零晨12點新聞報導
地點: 自己房張床
人物: 我地兩公婆

話說我地睇緊新聞。電視講緊奧巴馬將會同胡錦濤會面。。
又係講緊點樣挽救 "金融海嘯"。。
兩公婆又討論一番~~
言談間。"聰明"既呔媽發表如何 "挽救金融海嘯"。。

Kelly : 其實呢單野係咪因為間間大野都無晒錢? 政府要撥錢救佢地。攪到wor晒??
weak7 :  係囉。全世界都衰晒。。
Kelly :   咁好簡單啫﹗叫銀行係咁印錢黎填左條數咪得囉﹗﹗

weak7 : o下???  印幾千億呀?????

Kelly : 係呀。印銀紙應該好平之嘛。要幾多咪印幾多囉~~

weak7 : 哇﹗咁不如叫佢地去Chinatown印。咪仲平~~

Kelly : 係噃~

老公我係咪好勁﹗咁就解決左呢個問題~~
weak7 : 係呀﹗你聽日寫信話比奧巴馬知。。