回奶驚魂。。

不過。上個星期某一晚。就經歷左生呔仔之後第一次手足無措既驚嚇事件。。

有D野餵人奶係唔食得既。否則會回奶。。
一回。就唔會再有番架喇~﹗
例如係 : 乳鴿。豆鼓。面鼓。豬潤。豬肝。麥芽。梅菜等。。

我就係唔知食錯左豆豉定咩。果晚開始無咩奶。。
平時餵完一餐。下次再餵時。已經會谷到硬。。
果晚兩邊都唔谷。完全無。。
呔仔隔個零鐘又嗌肚餓 (平時3個鐘)。比佢啜又無。。
無奶。佢搏命啜。我又好痛。。

唉呀~~﹗最後呔仔餓住訓左。。
果時我都未知驚。。

半夜2點幾。呔仔大喊。係喪喊!! 第一次咁喊法。。
喊到我心都痛埋。方寸大亂。。

weak7都起左身。諗緊點算。。

我唯有拿拿聲拎果d響醫院攞。要黎應急既formula 比呔仔啜。。
佢唔肯食。猛喊。好淒涼呀~~

我又試下餵佢。佢癲左咁啜都無。。
一諗到埋身餵呔仔既溫馨時光即將過去。我就忍唔住喊喇
weak7唯有安慰我係暫時性。。
又即刻上網揾下有咩方法谷返奶。。

呔仔啜啜下訓左。。
我唯有揾野飲。灌左3大杯豆奶。飲到想嘔 x__x

幸運地。呔仔訓醒時。谷到一邊少少 (果邊不嬲多奶d既~)
算做有得比佢食。。
一訓醒。即刻叫老爺煲木瓜魚湯。。
我發狂飲晒成煲。。

終於。兩邊都谷返奶。放下心頭大石。。
不過硬係覺得無以前咁多。。
即係而家要勁飲湯先會谷。以前唔飲都會。。
不過點都好。有返奶。已經係執到架喇。。
以後真係要小心飲食。同埋要努力飲野~~﹗﹗