呔仔兩個月大啦!!!

1月2日。係呔仔兩個月大。。
其實都無咩點慶祝。都係咁過啦~~

不過想報告一下呔仔近況~ 嘻~
除左痾"水屎"成日出界之外。身體狀況唔錯~~
近日開始晚上無扭計。有時訓 4 個鐘先起身食奶奶。好好架喇。。
同埋可能天寒地凍。暖笠笠響被竇。佢訓多左~~ 
仲試過訓6個鐘添呀﹗﹗﹗
""唔通夜奶日子就快過去?? 正呀~~﹗﹗""

之前2個月。佢訓好少。又醒訓。。
而家。抱住訓著。放低佢都無事。。
之前一放低就扭架喇。又要抱過。放低。再抱。又放低。又抱~
而家真係乖左。。
食飽又訓。訓飽又食。起身玩一陣。又訓過~~
(大家見我寫到咁多卜就知啦~ 哈~)

仲有﹗﹗大事宣佈~~~
一向cool爆既呔仔。識笑啦~~~﹗﹗
唔係食飽。痾屎笑。而係真笑呀~~~﹗﹗﹗
1月1 號開始架~~ 哈哈~~~
我同佢玩。引佢。佢擘大個口笑
自此就成日笑啦~~
我地真係開心到暈~~

總括黎講。呔仔又易湊左。我又訓多左
之前玲E問我陀呔仔時聽咩音樂。。
其實。呔仔係聽草蜢 同 Beyond大既~ 
只要陀B開心。個B會係開心B架~ 哈~~

(部份既相可以按圖放大)
幫呔仔換衫去街街。。

近日呔仔好鐘意伸條脷出黎 lam野。所有野接近咀邊都唔放過~﹗
為食程度。就快高過我~~
都未著晒件衫。就lam到濕左一撻。。

第一次著工人褲~ 哈~~

青蛙leggings

著著下衫訓著左﹗﹗渴睡症??

突然訓到好淋呀~~ 哈~~~

唔夠2分鐘。無啦啦又醒左~~

我地去左食PIZZA~ 慶祝一下~

呔仔你2個月喇。真係快~﹗
媽媽祝你快D戒夜奶啦~~

坐直。。

爸爸仲買左個萬花筒。幫呔仔影相~ 哈哈~~~

好多腸仔包呀﹗﹗

青菇萬花筒。。

呔仔食完奶熱到要露脾﹗﹗
仲熱底過我~

9:00pm 商場關門
臨走前 set timer 10 秒 3 shot 影全家福

Try 1 …….望實媽媽..

Try 2……..揮手唔望鏡頭

Try 3 ……. 開大口滑稽樣

YEAH!!

update:
呔仔而家又食下手…又要食下奶嘴
不過兩樣都係過口癮
食少少又唔要

番屋企前去 Target 買奶嘴.
本身個個太細……食到塊面有個印
哈……….