呔仔肚痾??

聖誕快樂呀﹗﹗  香港今日Boxing Day啦~﹗
我呢邊仲係25號。我要好好享受我既27歲既生日~~
不過。佢兩父子都訓左喇~ 哈~~~

我地岩岩去完朋友屋企開Party。係呔仔第一次參加聖誕Party呀﹗﹗
不過呢個遲 D先講。要講左呔仔先。。

前日開始。呔仔D屎屎開始變得好水呀 (就係"痾出界"果晚之後)
水到成個 pat pat。袋袋都係 -___-""

但佢無喊。又無扭計。痾既次數又好正常。。
都唔知算唔算肚痾。所以我地又未到極度擔心。。

佢訓醒又撐手撐腳。同平時一樣。。
不過就無咩胃口。食好少奶。又訓多左好多。。

睇左兩日。屎屎都係咁。就打比醫生。。
醫生開左隻"營養水"比佢。等佢清下腸胃。。

今日開始餵 (第一次用奶樽﹗﹗第一次爸爸餵呀﹗﹗哈哈~~~~ )
間住一餐營養水。一餐人奶。。
唔用奶樽都唔知。原來呔仔一次食到5安呀。可能水無咁飽掛?﹗

飲左 2 次水 (都仲餵緊第 3 次)。呔仔D屎竟然有所改善﹗﹗(神仙水??)
第一篤。開始有返少少"粒狀"~~~ YEAH~~~!!
再痾一篤。多左粒粒。無咁水喇~~﹗﹗

而家胃 口好返少少。。
希望下一篤會正常返啦~~

其實都唔知點解會咁。。
應該話太多原因會咁。所以唔知真正原因係咩~~??

1) 呔仔開始食手。又成日食衫。食晒 D細菌落肚?
2) 佢痾水之前。我食過牛排。8成熟左右。關事?
3) 沖完涼唔著衫影相。雖然開左暖氣。仍然凍親個肚仔??  呢個可能性好高﹗
今日沖完涼即刻笠左Auntie高比送既"腹帶"。kool住個肚仔先﹗

呢兩日都無咩心機。心神恍忽。。
原來阿仔唔舒服 (但佢個樣又好舒服噃。有時仲笑) 我地會坐立不安~~

各位哥哥姐姐。我要訓喇。晚安~~﹗

爺爺好錫我架。又"暗"我訓