陪呔返學。。
不過佢未正式自己返學呀﹗
9月4號先正式開學~
(呢邊3號係Labor Day公眾假期)
上星期我可以陪佢返1個禮拜學。每日個半鐘比佢適應下環境~
不過佢返左3日學。就病左。無得返住喇~
事情係咁既。星期日朋友個仔咳咳地。唔知係咪咁。惹左比細細。。
細細星期一跟我地返完學。中午都開始病。。
之後幾日唔可以跟哥哥返學。唯有我繼續陪呔仔返。。
返多兩日。預計中一個病都一定惹埋比另一個架喇﹗
星期4呔仔都病埋。無得返學。。
今次連我都瀨埋野。無辦法。捱完本書真係又老又殘 @@
(所以下年都唔會出書住喇。咁捱法真係無命架﹗)
抵抗力差左。平時我通常頂到。今次頂唔到。我同仔一齊病~
而家我同細都7788。但呔仲喪咳。。
希望聽日好D。後日返到學啦。否則要等到好返晒先可以開學了~
好啦﹗大家唔使擔心既﹗小病是福嘛 ^^
不如講下呔既返學情況啦~ 嘻~~
8月27日。第一日上學去。。
呢間學校朋友個囡之前讀過。話D老師好有愛心。。
校長同部份老師都識講廣東話。會慢慢幫呔仔轉台。。
又近我地屋企。5分鐘車程。所以返呢間~
之前呔仔有入去行個圈。老師仲歡迎呔仔隨時join Playtime。
比佢接觸下學校。知道咩事到時返學無咁驚。
不過我地懶帶佢去。哈~~
hea左3年零10個月。呔仔終於有正職了﹗
除左係仔仔。仲係個"學生" XD
第1日幾威呀﹗爸媽細佬陪返學﹗
細細都話要咩書包返學呀﹗開心開心~
細細D 星星好齊~ XDDD
好似好Ready咁喎﹗﹗
大肥佬出發啦~﹗﹗
湊到你咁肥。真係有D唔捨得~ 呵~~
我好鐘意媽咪﹗(真實對白。仲成日講)
到學校了 ^^
呔細聽書中~
畫畫~
大眼大咀自畫像 ^^
哥哥上堂。細細在旁邊玩~
老師仲話我呢幾日可以帶埋細細黎。細細幾開心呀﹗
可惜病左 @@
爸爸陪畫畫~
個個話似ROCK友"毛揚表叔" XD
細細好乖呀~
哥哥都鐘意睇書~
Reading time~
Outdoor Playtime。開正肥呔果瓣~
細細都參與 ^^
如果2個一齊讀書。幾好呢~
傻豬仔 ^^
第1日返學後知道。返學係唔可以著靚衫/淺色衫的 XD
8月29日 (28號無帶相機 XD)
爸爸留家照顧細細。。
我第1次1個人渣車同呔仔返學~
到學校。呔仔好滿意我既車技 (我自己講XD)
呔心諗 "嚇Q死。終於到 @@"
"快D啦媽咪。遲到啦﹗﹗"
等我影埋個影先啦仔﹗哈~~~
今日玩Bingo教數字~
呔幾快手~
仲第1個Bingo添﹗Yeah!!
無幾耐有"防火演習"。全部學生集合停車場~
返到課室。呔欣賞自己琴日既作品~
好明顯班中佢係大仔。手工比其他同學井井有條 ^^
再欣賞自己既畫作 XDDD
今日畫顏色。。
老師問佢"What's ur favorite Color?"
佢答 "Red~" ^^
大仔畫野比較"正常"。哈~~
右上同學仔Carrie都係大囡 ^^
差不多Outdoor Playing。行列出去。原來工作人員試緊水喉。。
個個細路好好奇 ^^
今日Outdoor Playing在"Tree House"
全場啡色膠粒。呔仔話係火車D媒炭。。
一陣又話係朱古力蛋糕。勁開心~
2個女仔質入黎。呔仔係會彈開 XD
開心呔掘金ing~
Sara同學自己有個靚桶。都要拎埋呔仔果個。換左個無手抽既比佢~
呔仔反應"無所謂。拎去~"。我幾安慰~ ^^
無抽一樣係咁玩。邊個話有靚野先玩得開心?﹗
我教呔仔。個桶比人玩到爛左無手抽。証明呢個桶好好用。多人玩。先會玩爛﹗XD
你睇後面小朋友霸住3個﹗﹗
霸得黎都玩唔切啦。不如用自己擁有既野去盡情開心。。
即使係擁有得少。但快樂可以好大﹗
呔仔聽完。唔知佢明幾多。不過我唔理啦。。
仔。就係咁教出黎﹗^^
豬面仔。我相信你返學應該會開心既 ^^
TYLER都有一格 ^^
人地食Lunch我地走人。。
走前呔仔問老師可唔可以玩一陣。。
佢好鐘意玩呢份玩具呢 ^^
後日呔仔正式自己返學了。返8:30am-1pm~
大家齊用念力。希望呔仔快D好番晒可以開開心心。開學大吉啦﹗^^
凌晨3點9。暈緊。周公扯緊我走…
