轉片。。

肥佬呔前兩日由Newborn片。轉左1號啦~~﹗
鬆動好多。即時舒服晒~~﹗﹗

有兩次。發現呔仔 pat窿比屎屎封左呀~ 哈哈~~
太緊喇。大脾仔都 ku 到紅晒~~

之前買左 4 箱Newborn。好彩阿嫂叫我退左 2 箱咋~
剩返 2 箱。184條。岩岩好用晒~﹗
換片換到手軟~
3個星期左右。屎片費多謝 50 蚊~

1號 VS 初生

不過真係好開心啦~
証明呔仔響我 瘋狂餵奶 既催谷下。成功變肥佬~﹗
個身仲未大隻仔架。要再努力啦﹗﹗

話時話。好掛住小蘋果呀~
成個月無見喇~
阿嫂話佢16磅啦 (呔 X 2)。換左2號片好耐喇~ 哈~~~
下星期二。佢地會黎我屋企賀呔仔滿月。到時見啦 apple B~~

丫。都有人問會唔會攪野。唔會喇。仲咁細細個。。
屋企人圍埋食下玩下咁啦。。
同埋weak7哥最怕攪野架啦 (舊卜友一定知)
或者搬定左。等佢 3個月大先再算啦~﹗

丫。仲有。。
我想買一D好睇。唔悶既育嬰 / 育兒書呀。或者網頁都得 ~﹗
當然係中文架啦~ 哈~~
大家有無咩好介紹呀?  有無睇過覺得好有用既。講我知丫~~
唔該晒~~