寵壞自己。。

三個星期前既呢晚。呔仔仲響肚入面玩緊野。。
我地而家可以攪返佢啦~~

呢三個星期。過得好快呀~~﹗
我餵奶餵到不知時日。天昏地暗。。
不過得來既回報。就係呢個仔愈來愈肥啦~~ 哈哈~~
前日去check-up。呔仔有 8磅 多少少呀~~﹗ Yeah yeah yeah~~~!!

人地話餵人奶。媽媽收身快。。
我之前都諗點解呢? 因為食晒媽媽既脂肪??
錯喇~~
或者有少少關係既。。
不過最大原因。就係。無~~得~~訓~~~~
當你無覺好訓幾個月。真係會瘦過未生果陣。。
而家既我。由生完既六個月大肚身型。不知不覺。變返四個月。。
假以時日。打埋羽毛球~~﹗ 嘿。嘿。嘿~~ 仲唔係我既天下~~﹗﹗
( 產後妄想症 -____-"" )

其實怕唔怕個仔痴身?? 唔會啦。。
我諗我唔係寵壞個仔呀。我係寵壞自己啦。。
我好瘋狂架。。
我無時無刻都想攬住個仔。但有好多野阻住我。要我放低佢~~ 哼﹗﹗
"去廁所。食飯。飲湯。打電話。上網。幫佢換片。。"
如果可以。我廿四小時都想攬住佢。。

而家每次餵完奶。我都抱佢訓一陣架。。
等佢消化左 (無咁易嘔奶)。訓淋左。先擺低佢。做"上面果渣野"。。
做完。佢又夠鐘食下餐奶。又有得攬住佢~~

唔好怪我痴身。自己個仔。我地真係好肉緊啦。。

同埋我地都好相信。呢個仔。到時識行識走。想抱下都幾難啦~~
所以更加要珍惜呢段BB時期。攬得幾耐得幾耐﹗﹗哈哈~~

P.S.  BB書話 BB頭一年係唔會被寵壞架~
反而要比佢感受到爸媽既愛。要多D攬住佢。比溫暖佢。
咁佢既成長先有"愛"