餵奶狂熱。。
由出院果日開始 (其實係由生左開始)。我既重任就係不停餵人奶。狂換片~~﹗﹗
其他野。有老公。老爺奶奶攪掂。辛苦晒
(未生之前都係架啦﹗ 哈~ )
啜呀啜。啜呀啜。。
呔仔由初初食奶時。發出BB氣聲~ he~ he~ he~
變左而家既老牛聲氣~ kur~ kur~ kur~
小小既轉變。已經氹得我地好開心啦~~﹗
為左養成呔仔有規律既食奶。訓覺習慣~~
我每兩個鐘都幫佢換片。然後餵佢食奶。。
由於人奶有輕瀉作用。佢會不斷痾。不斷食。。
我通常唔會等佢喊先餵佢。因為喊。已經代表佢好肚餓架喇~~﹗
同埋我唔想佢發現 "喊" 係一個叫人既方法。哈哈~~
佢"呀"兩聲。我就會攪掂佢。等佢無機會喊~~
初頭兩日真係好辛苦。因為未上奶。阿仔好難啜到。。
所以每次都餵個幾鐘。仲試過餵足3粒鐘添~~﹗
啜到損晒。未好返又再黎。痛到入心。。
(放心。比起生仔痛 = 無野)
同埋每次食奶都食成個鐘。換完片唔夠一陣。又食~~
基本上24小時佢無離開過我咁滯。。
不過捱左幾日。上左奶就開始順暢啦~﹗﹗
出院第一日。11月4號。餵奶狂熱正式開始~~
成晚訓得 "半粒 + 半粒 + 半粒"
5號。比4號多半粒
淨係換片都換到手軟。。
6號 7號
進入瘋狂境界﹗﹗
不過阿仔開始啜短左時間。上左奶易飽左。大家都可以訓多少少。。
8號 9號
努力改變佢既食訓 pattern ~﹗
阿仔晏晝訓得最淋最長。夜晚較醒訓。。
所以下晝要拍醒佢。撩佢食奶。等轉返佢夜晚訓~
今日10號
漸入佳境~~ YEAH~~
而家呔仔2-3個鐘頭起身換片。食奶。好有規律啦~~﹗﹗
變左我夜晚只需起一次身。就係4點零果陣
辛苦左幾日。而家好嘆啦~~ 哈哈~~
由於weak7下星期要返工啦~﹗(不捨~~~)
為左老公唔使分房訓。我要照顧好呔仔。。
因為佢喊。就會嘈醒weak7。第二朝返工無精神。就好危險架喇~﹗
而家做出成績來。我真係好開心呀~﹗
阿仔唔喊架。食完奶抱一陣就訓。好好湊呀 (暫時)
同埋呢。我真係好享受埋身餵人奶呀~
感覺好sweet。望住阿仔啜啜啜個樣。真係可愛到暈呀~~﹗﹗
各位就生既卜友。真係要嘗試埋身餵人奶呀﹗
對自己 & BB好好架。。
BB皮膚好滑。唔燥。開大又暢順。又唔嘔奶。無咩風入肚。。
最正係一"呀"就開餐。唔使等開奶餓喊。半夜又唔使洗落床開奶。。
佢身心舒暢。自然易湊~~
weak7而家夜晚一樣大覺訓。日頭就有精神照顧我地啦~﹗係咪好爽先~﹗