生B回顧。。
大家係咪好掛住我呢~???? 我知你地一定話我要乖乖地坐月。唔好操勞~~
但我真係好想覆大家既留言呀~~
希望呢個回顧答到大家既問題啦﹗﹗
話說11月1號。星期五。零晨時份。個肚扭左幾野。。
由於之前一晚都扭左兩野。所以我都無為意。大覺訓~~
訓訓下。愈扭愈密。我寫低左大約幾耐痛一次。。
大約3點幾。我叫醒weak7。預備執野生仔去~~
打比姑娘。佢話要痛到行唔到。又講唔到野。先好去醫院。。
可能佢聽到我把聲鬼野咁精神~ 哈哈~~
我唔緊張。但好興奮啦~~﹗﹗ 就黎見到個仔噃~~﹗﹗
大家都知。阿仔玩野。正當我痛密左勁左。想去醫院時。。
阿仔又唔攪攪震啦~﹗
密度又愈來愈唔regular -________-"" 唔去得醫院住。。
或者我幾忍得痛。初時既陣痛。對我黎講係 = 無野。。
攪攪下。第二日。仲係間唔中痛。我地都費事理。。
執定晒野落車。幾時痛得勁就直接去醫院。。
我地。出街去~~~﹗ 哈哈~~~
去左成日街。2號凌晨。又開始痛密返。。
此時。我地已經係24小時無訓過覺~~﹗
眼訓到爆。但阿仔又黎料~~﹗
我陣痛次數都費事寫 (寫左成日呀大佬。勁悶~ )
一於大痛先入院。做下自己野。。
其實我地唔想生住。成日想等埋醫生返黎
但係。。
如果再等。真係可能四日無得訓 同埋。都唔係我地話事啦~~
終於點零鐘。一個落大雨既晚上 (前兩日仲好好天﹗) 我地出發啦~~~
CPMC 24小時入口
大肚婆仲有心情逐一介紹
入到去。姑娘同我CHECK。開左1度 ~
哇~~~ 咁耐都係開1度??
咁佢就同我講。一係上去行幾個圈。再CHECK。一係返屋企等~~
梗係唔走啦。落咁大雨~ 又泊到個靚位~~ 哈哈~~
陣痛緊都仲咁得戚~
我地都好眼訓呀~~﹗﹗﹗
要上二樓行 45 分鐘。。
經過育嬰室。好多BB。好窩心呀。。
因為自己個BB都好快會來臨~~
成個代言人咁款。。
一唔痛。精神奕奕﹗哈哈~~
一痛。等等。行唔到~~
行完。再落返去CHECK。。
估唔到已經開左3-4度~~﹗(唔怪得痛左咁多
)
YEAH~~ 唔使返屋企~~
矮腳責任重大~﹗每次陣痛。我開始標眼水~~
不過信我。捉住老公對手黎痛。真係無自己一個痛咁痛。。
生仔程序正式開始。。
極度眼訓既 weak7
之後由待產室轉左上樓上產房。。
陣痛密左好多。行唔郁。要用wheel chair。。
上到去。weak7開定電腦。set-up好影相既野。。
我又駁左一大堆野咁啦。。
之後打左無痛 (Epidural)。諗住坐定粒六。一直到生都唔會再痛啦~~﹗
點知。。。
無痛不但無效。之後我地仲共同經歷左呢一生人最難忘既時刻。。
望住我眼前喊到雙眼通紅既老公。我好心痛。。
我不斷吸氧氣。同自己講。我唔可以合埋眼。。
""我會無事。我會無事……"
weak7捉住我隻手。不斷響我耳邊講野。。
"我地仲要同埋B仔去個湖。睇住佢踩單車~~
冬天要帶佢去滑雪兜。抱住B子sir落黎……
好快無事架喇… 好快見到B子架喇…."
終於我既情況控制左。麻醉師又幫我打過第二支無痛。。
由於我唔知自己幾時生得。我幻想而家打左。一陣生果陣唔會痛啦~~
每次極痛。條毛巾比我渣到濕晒。。
又點知。。。
藥力都未有效。我開到9度。姑娘話我陣痛時。。
可以開始自己push下。。
無耐。check一check。開到 0 喇。叫緊醫生黎。就生得﹗﹗﹗
下??? 唔係啦掛 ~~~ ??
醫生黎左。我開始 push ~~
黎喇。吸大啖氣。用力 Push~~
3次陣痛。用左17分鐘。攪掂左~~﹗
阿仔都算特我不薄喇~~﹗
唔怪得之Dr. Huang話我大把本錢順產。。
第3次Push完。突然醫生叫我擘大眼。。
我見到BB由兩腳之間。比人抽左出黎。即刻擺左響我身上。。
果個情景真係刻骨銘心。。
換句說話講。我響未有任何藥物輔助之下。順產生左 Tyler 仔呀﹗﹗﹗
仲要無啦啦比人拮兩野"無痛"。而家條腰仲赤赤痛 -_________-"
不過諗返起。無用藥都係一件好事。。
我之前驚順產。想開刀。都係因為驚打左無痛。
唔識用力。個傷口會爆得好勁。同埋會谷出好多痔瘡。。
好彩。醫生話我既傷口屬 1 級。十分輕微。同埋。無痔瘡呀~~ 哈哈~~
又得戚返啦~~
我 feel到醫生幫我聯緊針。。
不過比起陣痛同 Push。我都痛到無晒感覺喇。。
分散注意力。不如玩仔好過~~ 哈哈~~~
"""鷹爪功" 我係媽咪肚裡面苦練左 9 個月架啦~~﹗
""""
醫生姑娘。倒瀉蘿蟹
嘆暖氣~~ 正~~﹗
洗頭沖涼。。
回想頭先既經歷。我地都忍唔住喊。。
只要你健健康康。無論過程幾辛苦。爸媽都覺得值得
""老公。其實我想講。好多謝你一直響我身邊支持我。
唔好以為你做唔到 D咩。望住你。我個心好定。幾痛都忍得住。
你正好代替左果兩支無效既"無痛分娩"針﹗﹗﹗"