404。"黃巴士"小Model

睇慣我地Blog既朋友。都知我地呢家人唔多鐘意攪事。哈~
例如幫人試用產品。出席一D場合。攪簽書會之類。其實都推左好多。。
唔係唔想幫手。而係覺得我其實只係鐘意寫卜寫書。無咩必要做埋推廣。。
再者。寫書之後。寫卜既時間都真係少左好多。
真係有D對唔住你地既感覺。。
加埋個卜轉左版面之後。少左好多人留言。好似無咁大動力去寫咁。。
又有微博呢~ 果邊好旺場。可能太方便了~~
有時同7講起。都好懷念以為舊卜。大家好close既日子~
每篇卜都幾十個留言。好多時過百架﹗
可能呢D 叫”與時並進”掛?﹗ 只可以咁諗 >.<今次返香港。我地都”外向”左好多。。
多數用”卜友”之名黎揾我。我都會接受既。幫得就幫嘛~
出席左個Party就唔使講啦。可以見卜友。又有得玩。禮物豐富送卜友~
另外做左2個訪問。”首尚電子報” 同 “太陽報”。佢地都係以卜友身份揾我架﹗
最後就係幫兒童雜誌”黃巴士”影相喇。編輯都係睇住呔細大。又點可以推呢~

就係咁。4月4號。約左去九龍塘公園影相~
本身以為係好似平時佢地去公園玩。攝影哥哥就會捕捉到佢地。。
我地不嬲都係咁樣影佢地。應該無咩問題。。
但去到先知無小朋友遊樂設施。。
唔緊要。青草泥土佢地2個都玩得一餐。好彩帶定D車仔比佢地~
影左無耐開始唔對路…
唔知係阿攝影哥哥唔識影細路定點?﹗
唉~ 不斷要求。其實要細路去就大人根本係無可能。。
結果…
哥哥仔一路影。我﹐阿浩同考霖就一路喪引佢地笑呀。望鏡頭呀。。
希望盡快交到貨走人。。
細細都叫熱情D。比較易影。。
最慘係呔仔。哥哥仔要佢呢樣果樣。但又唔識引佢。。
佢做唔到又唔鼓勵喎。言語中仲怪佢做唔到。黑面~
喂大佬呀﹗佢識聽架﹗﹗攪到佢以為自己做錯事咁~
小朋友你愈比壓力佢。佢愈做唔到你所要求既野﹗
(我好懷疑哥哥仔平時係咪影開小朋友?﹗)
不停比人責怪。影到一半。呔仔已經好唔開心。係咁問我走得未。。
我個心痛到…真係好後悔應承影相…..
換最後一套衫時。呔仔直情攬住我唔肯落地。話好想走。
我D眼淚不停流…
我攬到佢好實。猛話 “好好好。唔影喇。我地走喇~”
都唔知做咩。攪到個仔咁唔開心。。
最後細細幫呔仔著埋套衫影埋佢。呔仔已經坐左響BB車唔肯落地。。
唉~ 我自責到…唔識講…..

其實唔關總編事。佢都係一番好意。大家都唔知會咁樣。。
算啦。經一事長一智。無下次﹗