10。17。08 照超聲波


話說醫生用手度BB。覺得我個B比較細~
得5磅左右。有些少擔心。。
所以我地又獲得一次照BB既機會~~﹗﹗哈哈~~

由於我既醫療保險包晒所有野。生仔(開刀/順產)都只係比$100美金入院費~~
所以超聲波。唔會係又照唔係又照。。
除左必要既檢查。醫生話無咩特別事都唔會再照~~

我就梗係想見個仔啦。哈哈~~
所以今次見BB真係一個額外既驚喜﹗﹗

其實我自己就唔擔心。因為我自己知自己事。個仔日日都有重。。
不過當訓低比醫生度既時候。條友就會縮左入肚。。
所以以醫生覺得佢細。係正常既~~﹗

不過當然。我地都好想知道BB大小。羊水。胎盤等正唔正常啦~~﹗
一於去照清楚。求個安心﹗﹗

約左9點。weak7請一日假。一齊睇BB~~

等候中。。
呢間 " San Francisco Perinatal Associates, Inc." 係專業照聲波既診所。。
之前照頸皮。性別。都黎過兩次~

幫我地照個Nurse好好人。又風趣~~﹗
上次照性別都係佢~

照到BB而家重 5磅12安士

排行榜係 19 位
比率上係偏細少少~~﹗﹗
佢叫我食多D野。飲多D水。。

除左磅數差少少。其他所有野都好正常。BB好健康啦。。

其實之前我個醫生話高過 10 都唔擔心~﹗﹗
因為爸媽既身型都唔係大份。。

同埋我見香港D大肚婆討論區。有BB同我一樣週數。一樣磅數。
佢個醫生話係中碼B~~ 唔通外國既 Standard係唔同既??

照醫生講。BB而家大約一星期重半磅。。
仲有3星期。即係加磅半。。
希望BB準時出世。就有7磅以上啦~~﹗

照完。又偷偷影下相~~﹗

得知一切正常後的。開心兩公婆~~﹗

事後。我地又得到BB黑白照幾張。與及4D 錄像3大段~~

唔知阿仔鐘唔鐘意。唔比大家睇喇。。
不過。B仔好似似老豆多D呀~~﹗

懷著愉快心情~ 與weak7又放假一day~~ yeah~~~﹗﹗

除左超人pose。呢個龜pose都係我既至愛

件衫鬆d。個肚又無上篇卜咁大啦~~﹗側身條腰又響返度~~﹗

好靚既牆。我地都想間屋有一塊咁既牆呀~~﹗

還有好多我們家的最新動態在FB專頁上唷!歡迎點Like加入大家庭! »