weak7: 我又養魚喇

自從唔知幾時開始養魚…
每次搞到大龍鳳set依樣個樣…..
最後又唔理…
都唔知有幾多魚仔被我害屎…….
決定唔再'殺生'

近來…. 多得朋友文周仔引誘
又搞到我開缸…..
今次仲係養鹹水魚….
需要好好心機….
同埋………….. 好貴呀 !!!

本來唔打算養….
打死都唔理文周仔既誘惑……
又會甘o岩…有人比個缸我…..
淨係set魚缸都差唔多 $170US…..
個缸唔洗錢…..文周仔又班到D珊瑚比我
o甘就濟得過……hohoho

kelly就一早講定一定要養Boxfish….

依種魚個樣好搞鬼….
好似一架飛船…..但係Boxfish係魚…
所以好似一架潛水艇…
我記得叮噹有一集講佢地落左海底世界歷險….
跟住我就幻想有一架 "BOXFISH號"既潛艇
哈哈哈
我同kelly o係BOXFISH號入面啦~~~!!!

不過……..我左問右問…..
發現左Boxfish會攻擊珊瑚…..
而我已經有幾舊珊瑚係缸入面…..
所以kelly好失望啊….

我第一樣落缸既朋友仔
依條魚同蝦仔係一pair架~~!!!!
隻蝦負責掘窿掘隧道, 條魚就係入面住…….

不過好少機會先會見到佢一齊浦頭….

剛開始既set up

海草搞到太亂….鏟走曬 !!
簡單D好睇好多~
同埋仲未見到我地鐘意既魚…. 而家個缸好空….

上兩個禮拜買既魚- 我地叫佢做 "肥仔"

仲有寄居蟹仔~ 負責食地下既剩余食物~

右邊個舊珊瑚係幾日前買既
淨開藍燈會夜光~~ Beautiful~~~ ^^

由於D魚仲未習慣有人o係個缸前面….
我地唯有熄燈……佢地先會慢慢游出黎食野…..-___-'''
每晚臨訓前既活動……
餵魚….睇珊瑚………好有情趣架…..哈哈哈