Jan-3 -2008@香港遊相片 (Part B)
我再約左表弟毛揚出去…..
未番香港之前….
我地o係依邊講好左一定要夜游週圍影snap…..
出發~搭地鐵…..好似o係油麻地站落車…
對眼紅晒….
開始!!!
由於部相機太礙眼……
我用一個 "岸居"既方法…….'偷拍'
掛部相機o係頸….但係手放入衫袋入面.
我問毛揚覺唔覺我偷拍
毛揚話都OK…..唔多覺……即係我扮得好….(哈!)
之不過…最好笑既係…… 個快門聲好大聲……
好明顯係部相機傳出黎既 "卡 喳 " 聲…….
本來見唔到部相機既人都會發現
哈哈哈……
'玩具'攤
阿叔留意到我相機……
依一檔, 臨走返SF前o係到買手信比同事…..
ar……………. -__-''
可惜, 無試過依D街檔…….
一張我好鐘意既相….. 下面好光好熱鬧…..個篷上面就好靜
守門口貓貓
象鼻底環
試緊位幫毛揚影, 有個朋友仔回望搶鏡….哈哈 ……"nice to meet you"
姐姐笑我地….? 哈
係我既idea…..真係衰格….. 哈哈哈
玩完廟街…..再落旺角….o個時已經好夜…都係博下有咩做….
好多紅色
鋪頭關得七七八八……
我地以為許留山都close左….買take-out….
阿姐話: "未……!~ 入黎啦" 哈
女人街………d檔口原來係每日齊….每晚拆…..
好多間條
依D就係EXACTLY我地想影既相啦!!!!
毛揚初時唔敢行入去
好景商場落半個街口
勁!!! 依檔仲開!!
毛揚仲未食依串辣到仆街既魚旦之前…..
兩個飲甘多支…..
洗衣街附近
o個晚仲未完….
話說我自己搭"亡命小巴"返屋企……
首先我唔記得係搭咩線…..
打比kelly問路….了解左….上車.
個司機好爛口+唔好老皮…
途中…..隔離架車無啦啦抽頭, 差D炒….
停燈位, 個司機特登開門"小"佢一鑊….
當我週圍望既事後…..
發現 "五百蚊及大紙紙不設找贖"
即刻check銀包………..POK GUY 了……..無細紙……無散子…….
(kelly講過, 夜晚既小巴最憎要找錢)
問旁邊睇緊漫畫既哥哥….
佢話: "你等佢停燈位問佢啦"
問佢…….!? 好驚架wor….
唔知點解個司機忽然望倒後鏡….仲要望實我….
我驚到唔敢講出黎….
好慢甘舉高張一百蚊紙比佢睇
司機無出聲, 淨係 'yarp' 我過車頭…找錢……..舒服晒~~~!!!
不過!!!! 平時落開個站整路….
過晒我都唔知邊到落…
再問旁邊哥哥….
"你過晒啦wor……快D叫落車啦"
之後落車隻腳未掂地架車已經走左…..
最後發現….比貴一蚊搭既小巴……..仲遠過平時落既站……
由唔知搭邊架到落車…..
我個心跳得好快…..差D驚死左….
不停打比kelly細細聲講我既情況……..
之後再無自己搭小巴lu…….