一不離二。。

琴日。我又中招喇~
話說我同weak7都約左去洗牙。不過。weak7由於生痱知好痛。所以要改期~
我就按時上去洗牙~~
本身都無咩事。點知洗洗下~~
"""呀~~~~~~~

我個喉嚨叮 (吊鐘)  比個助手用黎吸口水果條野吸住左。仲扯左幾野~~
我當時都知唔妥。不過因為洗緊牙。又出唔到聲。。

洗完之後。潄口時我反左幾次胃。。
擘大口。望一望塊鏡。大鑊~~ 
個吊鐘紅晒。仲流少少血。損晒~~
入番去同個助手講。佢竟然想推卸責任。又話只係刮親少少。抖兩日無事~~

我好想喊喇。即刻落返去揾老公~~
比佢睇睇。佢都話我個吊鐘損晒。仲拉長左好多添~~
由於長左好多。而家吊住左我喉嚨。所以我成日想反胃~~

返到屋企。老公打比果個助手。問係咪佢整親我。。
佢竟然話 "可能係~~" 仲一路都無道歉﹗﹗

之後可能醫生知道嚴重。佢親自打黎問我老公我點。。
同埋叫我用暖鹽水消炎。唔好食硬野。。

經過琴晚成晚食唔到野。吞口水又劇痛。。
今日好番少少喇~~ 可以食流質既野~~
不過個吊鐘都無縮返上去。仲係咁長呀﹗﹗﹗
我好驚佢唔會縮返上去呀~~~