拜拜。讀書生涯

不過我同weak7講。過多兩三年。我又要回到書本中。。
陪小朋友一齊讀書。溫勁課。。

琴日考Final。真係超攪笑。。
話說我就溫左兩日書。都係Last Minute。將半個學期迫埋一齊果隻啦~~
都有6﹐7成把握。夠架喇。3成考天才﹗﹗
個試由一點半。考到四點。我預左考到三點半走人。夾岩老公接我~~
點知。考40題。一開始唔夠五分鐘。己經有人交卷走人。。
我坐頭位。唔覺唔覺。到兩點鐘時。我一擰轉頭。原來D人走晒~~~

剩返同樣坐頭位既一個女仔。因為望到佢。我一直以為後面好多人。。
其實我都做完。仲諗住可以磨到三點半﹗﹗﹗
唔係咁好意思。唯有走人~~~

就咁。完結左最後坐班房既日子喇~~

仲有個半鐘。去坐左陣麥記。食左麥樂雞同一支鮮奶
之後行左一陣H&M。買左幾樣野。。
都係平先買。。
但最低果條褲係Organic Cotton。好軟熟。所以無減價都買左。。

自從我有左BB之後。老公既親戚十分緊張。個個都打黎問候。。
真係唔知點解。上年暑假第一次見。加埋擺酒第二次見面。。
佢地成班。爺爺。大伯。六叔。姑媽。三個姑姐。錫到我燶~~
可能亦係我為呢一代既何家首次添丁。係爺爺第一粒"塞"

今次老爺從香港返黎。兩個姑姐搭左佢地要黎"看門口"既花膠。同埋燕窩比我~
叫老爺每朝燉燕窩比我食~~
花膠就生完BB補身~~
姑姐們 : 除左我自己。我會教BB將來好好孝順你地架喇~~

食左成個月。老公話容光煥發左。無咁殘~~
不過粒粒依然存在。相信係荷爾蒙唔平衡。都無計~~

其實之前都想買燕窩。補下身。為生BB準備。。
不過一直都唔捨得。上次老公比左錢我。使使下。使晒。最後都無買~~
今次見就快食完姑姐果D。老公就買左呢盒"金絲燕"比我喇~~
半磅裝。盛為$625
唔知香港會唔會平好多呢~~??

其實我地唔係特別有錢。只不過每個人既價值觀唔同。。
有人會用二百蚊買一條牛仔褲。。
又或者幾百蚊買一個名牌手袋。。

可能我地唔係生活在香港。無果種比人"白鴿眼"既壓力。。
更加無人會圍住你個新款名牌袋討論一番~~
所以對於名牌。物質既追求。我地係近乎零~~~