法國婚紗。晚裝

大約六點幾。我地返影樓。累得好緊要呀~
不過我。當然仲好有精力影相啦。。
但係老公。已經盡左。笑得好勉強啦~~

換埋最後一個造型。影晚裝~
其實臨尾大家都好累。好想走架喇。哈哈~
weak7話最好笑係自己比左咁多錢。但係又好想走。
不過又唔走得。因為要影埋~~~

既然係最後一篇。等我講小小Tips比將會去影婚紗相既卜友仔。
希望大家開開心心影番輯靚相啦﹗﹗

1。唔使買婚紗鞋。因為影唔到架。著平底鞋最舒服。要行成日又要企~
( 除非你選短身婚紗。又或者你老公係高人 )

2。男人要自備白企領裇。幫襯佢$200。金都$150~

3。自備零食。因為每人有一個大袋比你帶出海。坐船或坐車時就可開餐~

4。女仔唔使化妝/ 剪髮。幾亂都得。唔使減肥。佢地會幫你執。。

5。老公們。到時唔好比佢地幫你擦粉。如有暗蒼叫老婆幫手遮定。
除非你想變成"白 面書生"。加上佢幫你執相後會再白少少

6。老公們要帶一條牛仔褲。最好帶條洗水洗得靚。否則好淨色。。
帶拖鞋只係著黎行沙灘。唔會影既。所以可帶爛拖。著完即掉~

7。weak7話要帶太陽眼鏡﹗﹗ (佢以為自己去渡假~)

8。花球同老公既純白禮服。一定要靚~~
因為出海既相幾單調。個花球靚差好遠架~~
同我地出海果幾pair人。D老公都無upgrade白禮服。都係著米黃色。。
其實join得咁貴既plan。何必慳果少少錢。出黎效果差好遠~
再講。成套租白色好似$580。淨租一條米黃西褲都$200。。
除非你連褲都唔租。著返黑褲。否則聽我講。純白啦~~
(試衫當日。你可叫職員比出海相你睇。比較一下白同米黃既分別~)

9。最後。不外乎係夠訓﹗﹗
皮膚好係其次。因為相一定會好好。佢唔會比你有一粒暗蒼既~
主要係影相時肯笑。同埋全日夠精力玩﹗﹗

祝大家都影到靚靚婚紗相啦~~