曼谷 08 (Day 4) 完
由於退左部細相機。無得影相。所以未得整Indust. Gmt.住。。
可以懶多一陣。同埋無啦啦又改遲左Deadline。4月7先交。。
可以懶多一陣。同埋無啦啦又改遲左Deadline。4月7先交。。
上星期Missy又話聽日唔使返上晝果堂。剩係返下晝1點。正~~
( 呢個Missy其實都幾懶~~ )
同埋返埋呢個禮拜。1﹐2﹐4。就開始放Spring Break。到 4月1號先再返學。。
11日假。真係要好好安排自己既寫Report & 車衫功課。。
既然未整得衫住。就寫埋去Bangkok既最後一篇卜啦~~
2008 / 1 / 13 (第四天)
終於黎到第四天啦~
基本上我地有大半日玩。因為晚上7點機。我地大約5點左右到機場就得~~
一起身就執好行李。拎埋落樓下Check out。放好一陣返後拎。。
最後一次在這Lift影相了~
在車站旁買三文治做早餐~
落到地鐵~ 我地今日返兜翟道翟呀﹗﹗ 咪就係想換返揚揚件Tee囉。買細左~
真係熱到嘔。同琴日天氣好唔同。可能我地11點左右去到。正正中午。好晒﹗﹗
終於揾到呢間野。話時話。係度要揾一間舖真係好難。。
哈哈~~~ 老公好似沖緊涼咁~ 不斷滴滴滴~ 大汗到呢~
反而一向大汗既我。又好忍得無咩點出汗噃~~ 真奇怪﹗﹗
好多TEE呀。真係TEE既世界﹗﹗
老公買左條短褲。又迫我同人影相啦~ 哈哈~
佢好友善。我覺得佢好"家驅"feel。。
我地坐低飲椰青~ 低下有把風扇架。吹到我條裙脹卜卜~~
走喇。爭取時間去按摩~~
行經Emporium。竟然發現Lego展~~ 好開心呢~~
呢個BB好得意呀~ 佢將隻手指插住舊LEGO。fing fing fing~~
又來到Aisa Herb。我地今次全程都去呢間。因為太舒服了~~
返酒店拎行李。呢個就係酒店外觀喇~
曼谷新機場既一個境況~
上左機。返緊香港了~
搭緊機場巴士返屋企~~
完成左4日3夜既曼谷行。亦係同老公第一次去Travel。。
整個行程老公話唔錯。梗係啦。全程我一手包辦架。。
還有好多我們家的最新動態在FB專頁上唷!歡迎點Like加入大家庭! »
差 d 唔記得左你仲未寫最後呢 part 添呀
[版主回覆03/17/2008 09:34:00]係呀。趁有時間寫埋佢~ 作個了斷﹗ 哈~
weak7 開單雙呀……(眼皮) 好搞笑呢
之前睇相都唔係好覺, 但呢輯相特別揚 (平時係咪咁架 )
[版主回覆03/18/2008 11:46:00]佢不嬲都係咁架啦~ 你地平時唔覺掛~
我都好想去旅行呀!
[版主回覆03/18/2008 11:46:00]去啦。趁轉工~~
weak7 真係好大汗咁wor..一滴滴咁…你地收獲真係好豐富呢??
[版主回覆03/18/2008 11:46:00]係呀。其實就唔係買左好多野。。 主要影下相。玩下囉。。
哈哈! 等你好耐喇, 幾時又去第2度玩呀?俾多D靚相我地稊啦!!
[版主回覆03/18/2008 11:47:00]有排啦。遲d生埋仔。邊度都唔使去~ 哈~~
男人就係咁啦,咩都唔洗自己準備最好!
[版主回覆03/18/2008 11:49:00]哈哈~ 因為我去過幾次。所以去玩既野多數我Plan。。 我老公好陰滋架。平時去遠行帶咩都係佢一手包辦。。 唯一一次。去滑雪我執野。。 竟然唔記得帶佢件雪褸~~~ 自此以後都唔使我再執了~~
我追返day1~day3喇~~
好羨慕呀!! 我都未同老公去honeymoon,
睇黎bangkok都係一個唔錯既選擇~ 沙灘陽光~~~~~~~~
[版主回覆03/18/2008 11:53:00]都係架。其實我地呢之都唔算honeymoon。。 因為未知會結婚之前。都買左機票去了~ 老公話唔想在此honeymoon。佢最怕熱~ 不過。下次都唔知幾時再去玩了~﹗
weak7有點像鄭嘉穎呢~!
[版主回覆03/18/2008 11:54:00]係?? 都係有眼耳口鼻啦~~
一睇weak7d汗,就知有幾熱啦...
[版主回覆03/18/2008 11:56:00]係呀。最尾走果日最熱。可能加埋呢個市場。 唔係人人頂得順﹗﹗ 奇怪幾年前我可以6﹐7月去。可能仲未熱得咁緊要~
哈, 終於等到你完左曼谷之旅啦~ 仲有HK之旅, 加油呀!
我自己又係dum得太耐, 去旅行的blog又係隔幾耐先寫一次 因為依家冇哂mood~
[版主回覆03/18/2008 11:57:00]香港果個我諗7sir放低左架喇。。 見佢都好少執相。。揾日提下佢先~~