我的媽。哥。嫂

開卜以來。好似好少講屋企人。。
哈哈~ 其實我既家庭就好簡單。細個時有媽媽同哥哥。。
哥哥上年三月結左婚。就有埋嫂嫂喇~~
然後嫂嫂12月左右發現有左BB。我 7月就有埋侄女喇。。
而我又除左做左人小姑仔之外。仲將做BB既姑姐。。
近日我屋企。好多喜事發生啦~~

而婚後既我。又多左一大班好錫我既親戚。。
就係老爺奶奶。與男家一眾親戚。。
其實weak7都好奇怪。點解我會同佢一班親戚咁投契。。?
又與老爺奶奶幾夾。。?
其實好簡單。因為我好鐘意講笑。唔鐘意拘謹。。
基本上。若然對方唔係挑剔麻煩既人。都好易同我玩得埋。。
加上男家親戚。無論老嫩。個個都大唔透。勁多笑料。。
真係玩到癲﹗﹗ 而家都好掛住佢地。要下次返去先再見喇~~

*                    *                      *

媽咪成日話我影左D相唔晒比佢。原因就係我太懶出去晒喇。。
上年暑假同佢去日本 & 佢生日食飯 D相都未比佢睇過~   都幾衰~~

同媽咪去築地魚市場。。

好新鮮呀。媽咪次次都留最好既比我食。。

我地去左上野動物園。。

去左橫濱。。

去左台場既大江戶溫泉物語。。

仲有好多相。一陣要拎去晒先得﹗﹗ 哈哈~~~

同媽咪在香港。屋企附近飲茶。。

飲我最鐘意既朱古力奶。。

上年7月媽咪生日。好開心啦~~

有人話我似奶奶。我又覺得似媽咪多D。。

哥哥嫂嫂。。

下個禮拜。23號。哥哥同嫂嫂就會補返食結婚飯。。
由於嫂嫂個肚開始大得快。都唔想佢太操勞。唔會攪太多野。。
不過就諗緊送咩比佢好。或者會選一套首飾。。
琴日本身同老公去Swarovski選禮物比佢。點知又買左野比自己。。

哈~ 好靚呢~~
聽日約左媽咪行街街。幫佢睇裙著去哥嫂既擺酒日。。
咁到時再睇野送比嫂嫂啦~~