笑料一則。睇咸野

平時我同weak7就好鐘意上網睇咸野。大家分享。有講有笑。。
呢個亦係佢得唔閒比我跣既好機會﹗﹗

我 : 喂。紅音(AV女優)就黎收山喇喎。你收藏晒佢D片未呀??
7 : (得戚) 梗係有齊晒啦﹗
我 : (斜啤) 你之前又話無既???? 
7 : 呀呀呀。。。(比我扭耳)

*                            *                          *
我 : 哇。勁正噃﹗你係咪鐘意呢種??
7 : 唔鐘意。點會鐘意呀﹗最憎大波﹗﹗
我 : (斜啤) 咁你做咩睇佢既??
7 : 睇下佢點樣衰法丫嘛﹗ (忍笑)
7 : 呀呀呀。。。(扭左先算﹗﹗

)

*                             *                             *
由於佢比我跣得多。已經學識左講"官方說話"喇﹗﹗ 哈哈~~
女仔。都係愛聽大話既。。

不過岩 岩。我就比佢跣返轉頭。我領左野﹗﹗ 笑死~~~
食飽飽。weak7就show比我睇最新既短片 — 香港大生自拍流出 (朋友sent黎)。。
我地一齊睇。我就鬼拍後尾枕講出左心中說話。。

見片中主角瘦蜢蜢。成條柴咁。。
我就話 : 最憎D香港男仔咁既身形﹗﹗ (望一望隔離。心知不妙﹗)
7 : 係。。 (即時停左兩秒)
喂﹗我都係香港男仔。你以為我響度出世架???
我 : er ………………….. (狂笑)

唔講果句都講埋。真係傷害左佢弱小既心靈。。
佢平時成日問我係咪鐘意大隻佬。又問我係咪唔鐘意佢咁瘦。。
我都會安慰佢。叫佢大隻返少少就會好好睇。。
點知。就係呢段跣左。。
"老公。我唔係咁意思架~~~~ "