好天扮遊客。。

真係忙忙忙~
有睇微博既朋友。都知我呢期"入得廚房就無時間行出廳堂" XD
(又多樣野忙。頭暈頭暈~)
 4月無啦啦開始左我既煮飯生涯。7年半喇。終於都要出手~
又唔知點解一煮就如有神助。好似好容易咁 @@
定還是根本煮飯係好容易。只係我一直唔想踏出呢一步呢…..?!
有返咁上下人生閱歷既你。應該都會同意我講。
一個人呢。愈識得多野就愈好。但比人知你愈識得多野又愈唔好架噃﹗
哈~ 係咪好同意先?
因為好多時你識。就代表係你去做。又或者個個人都會揾你去做 XD

又講返。其實煮完飯一家人坐響度一齊食。係件好開心既事~
屋企又得我一個女人。唔係我煮都唔知邊個煮。。
其實之前weak7係認左頭既。話佢煮~
佢放工返黎都攰。仲點捨得叫佢煮埋飯丫。。
不過原來煮飯真係超級攰﹗﹗
切肉切菜手都軟埋。又企到腳軟喎。炒餸手又攰。。
可能真係唔做慣。一時間勞動左好多 XD
不過呢D 都唔夠慘。最最最慘係咩呢。就係少左時間同仔玩~
次次佢地叫親我。我都仲煮緊。未煮完。煮完即刻食。
佢地又食得慢。食完都夜喇。又預備沖涼瞓~
所以都要爭取時間。放學返黎陪佢地玩左先﹗^^

講講下夜喇。有點眼瞓~
快D寫卜先~

2013年4月14日。又去扮遊客 XD

細佬第1次黎。好新鮮~

^^

哥哥氣管唔好。所以一凍或者大風就要戴頸巾~

2個睇水的少年 XD

 D仔開始大。我地又可以回到拍拖時代。老公幫我影下相~

沙塵白霍細 XDDD

呔仔好攪笑。會成日問我 "以前我叫呢 D做咩架?"
佢以前咪叫呢D做"Cable車"囉~ 哈~~

呢個仔家陣日日話自己係超人喎~
佢覺得超人係最勁﹗XDDD

行去搭F Car去漁人碼頭。沿途有小檔~

見到水池話想行去睇~

有件好大既Artwork~

係個小瀑布~

一好天氣。唔知點解好鐘意去遊客區 XD

呔細想入去。不過要一格格跳過去。又濕滑。好危險 @@

好開心的相片 ^^

呔細好鐘意呢檔野。回程都仲想揾返 ^^

SF Downtown都有鐘樓~ 我好掛住尖咀文化~~~

黑人膠桶打鼓。勁﹗

手拖手。等過馬路~

黑仔王又黎~
話說等好耐都未有車。諗住去行下另一度先。
點知一過對面馬路。即刻有車黎~
之後又行行行返去上車~
其實我都估到一行開。即刻會有架喇。。
weak7有犧牲小我既精神。即係咪鬼阻住地球轉。
無謂成班人為左你無車搭丫嘛~ XD

上刑車仲有位坐。都唔係好黑啫~

馬騮細示範如何得到成車既人注目 @@

辛苦晒大背包爸爸~

"欣賞沿途風光"都係環節之一黎架﹗ XD

係呀。細細好鐘意錫我。無啦啦都會錫我 ^^

咁睇又幾似我喎 (自己想) XD

2個對火車零件好有興趣~

攬完細又攬下我個大BB先﹗﹗

到達~

呢度呔仔2歲生日時黎過。。

對仔公平D。我都好耐無飲汽水了 ^^

好夾喎﹗Angry到爆丫嘛 XDDD

多糖到呢~~~

以為入左玩具店~

爸爸買左一包。比2隻野試下點爆發 XD

Feel緊….

大風到呢~

呢隻好似唔多爆喎﹗
同香港食果D 唔同既 @@

食到成手都係 @@

一野com落口 XDDD

個鼻窿好搶鏡 ^(。。)^

行左個圈。閃人~

碼頭小警車~

遊客必坐~

攞車前去酒店搭透明Lift ^^

咁又一日~

恨食VIP雜排餐好耐。可能太恨。結果好一般 XD

何解呢…..?? @@

莫非係風水野?! XDDD

最後去平記掃零食。爸爸見到呢盒餅。好鐘意… 個盒﹗﹗
$15。結果唔捨得買~