特訓細佬。 三段片

琴晚叫weak7幫我買左個 nipple shield。又試下細佬肯唔肯啜。。
結果不出所料。細細當牙膠咁咬。咬咬下仲成個扯左出黎玩。仲響度狂笑。。
咁舊野又真係好膠。好好咬。都唔怪得佢~

由於細細唔肯食奶粉。基本上係唔肯啜樽。。
實在太迷戀同媽媽既肌膚之親。。

比我諗到個方法。就係調轉細細。。
唔係上下。係左右。。
即係平時打橫抱住佢。就變左佢個頭響我個"格助底"度伸出黎。。
咁佢啜/咬既位置就會唔一樣。。
哇哈哈~~~
係一個治標唔治本既方法。。
唔再咬損既話。應該可以頂到一排。。

琴晚訓前都係埋身餵。餵完佢又未肯訓。隔左一陣佢眼訓。就開始扭奶啜。。
一直以來。媽媽奶奶既另一用途。就係安撫。。
話佢兩個無食奶咀。好叻。倒不如話一直都係"人肉奶咀"。。
每逢佢地扭眼訓。或者想喊。我就會質佢啜奶奶。即時收聲。仲訓埋。。
真係好使好用 (所以就快打柴)。。

決定唔係肚餓。就唔比細佬啜。乘機抖抖。。
琴晚細佬扭眼訓。咪埋眼喊左半個鐘。又嘈醒左爸爸。。
無辦法。喊到好慘。猛咁爬上我心口。唯有抱緊佢。。
呔仔就好乖。細佬點嘈都當佢唱歌。。
半個鐘後。細佬喊累了。伏左響我大脾訓著左。。
果一刻。忍唔住眼淚。。

我知細佬比較嗲。喊起上黎慘過呔仔好多。。
其實細佬賺了。哥哥果時6個月就要特訓。一個禮拜已經可以一覺訓天光。。
好叻仔呀﹗
細細而家都就快10個月大。仲一晚醒好多次。都真係時候要幫佢戒~

琴晚第一晚。無啜奶奶訓覺。。
半夜醒左一次食奶。可能太眼訓無力咬我。呵~~
一醒已經係朝早9點~~
哇~~~~ 好耐都無試過咁樣喇。。
可能細細真係喊到好累了。。

食住條水。今晚再特訓細佬。希望戒到。可以一覺訓天光。。
媽媽奶奶。都可以休息一下~~