Day3 裡原宿.涉谷。無啦啦東京
快D寫埋Day 3下半part先。因為聽日細細學校 “100days event”
應承左返去做義工。細細好鐘意我響class幫手。會痴住我。
我都好珍惜佢鐘意媽咪響身邊的日子。大大下可能又唔鐘意架
喇。上學期呔仔仲要錫我先入課室。而家唔比錫喇話返屋企先！
話好醜怪喎…. -_____-”
OK！ 寫卜先。繼續2016年1月24日下半場
好有寒冬的感覺~
今個Trip 好幸運呀。無預左去食既又經過見到。
呢間Egg ‘n Things好多人話好味。同樣等成粒鐘。
我地經過諗住排。點知佢話坐patio唔使等。就入左去喇~
其實patio好舒服。因為佢有被比我地com腳。日頭唔係太凍。
感覺好寫意。反而坐出面仲有氣氛~
唯一缺點係。表弟食既 Egg Benedict 同我地杯熱飲會快凍。
食pancake waffle就無問題 hahahha
坐低左。頭先衝左一輪。行到腳軟。抖抖先！！
呢個時候同7 whatsapp緊。佢同呔細就黎訓。。
互影~
我地又再影返比佢睇~
熱飲在手確係好暖~
野食到喇~
我要左waffle instead of pancake…
因為我鐘意脆脆格。佢waffle好好食呀！下次先試pancake啦~
yummy~!!個個問係咪食晒佢舊whipped cream。其實好輕好淡味。
真係一陣風咁 (借口，除非唔係)。總之好容易就會食晒啦！我啦！hahhah
好美式。。
留影~
開始行裡原宿。係我成個trip最最最愛既地方。
因為成個地方都好型。好有心思。唔一定要買野。
淨係黎嘆下人地D design。每間舖頭既特色。同埋好好影！
好掛住老公呢~~~ 佢一定會好鐘意呢度。下次要同佢黎！哈！
實在太大。橫街窄巷。亂行都有驚喜。。
老公不在。迫表弟幫我影相 hahaha 
勁多潮牌~
街頭點少得飲品機。。
表弟岩睇。。
A.P.C
每間舖都好特別。。
表弟睇男裝。我影相。。
呵呵~ 黑白左佢好D喎！
街頭照~
7話有D似台北東區。呢度正好多~ hahah~
都唔知自己行左去邊lu~
7話見到呢張好激動。做咩唔拉平線ahhahaha
唔使激動！下次同你黎再影呀下。如果搵得返佢…
頭ong ong~
出返呢條大街~
又見返Laforet~
行埋去niko and… 果邊先。勁大間。可能係本店~
沿途d店舖都係好靚的。應該唔平~
香港都有。但呢度又平又多款！
真係行到邊都咁好影果下過癮嘛！
我呢個trip就咁snap下都影左成千張。7黎到…
可能我同佢都要分開行。佢可以影足一日hahahha
之後搭車去涉谷。唔行lu。之後發現並不遠 hahah
好似只係1個站~
我地分頭。表弟109men。我109….
又係果句。少女不再。109似旺中。無咩岩睇~
然後我行左去LOFT。果度7層。慢慢行好舒服~
有時d野真係緣份。表弟幫朋友搵左呢盒”柴犬糖”好耐都搵唔到。
點知我一上7樓就見到佢了！即刻whatsapp表弟。幫佢買左！
然後又落街行下~
join返表弟去左Tokyu Hands 。逛一逛。
夠鐘去”美登利”！原來表弟好醒咁一早拎左飛仔。
唔係要等2粒鐘~
車外景況。涉谷的晚上~
又好好彩喎！一去到。已pass左。咁岩佢話有張bar臺有2位。
問我地要唔要。梗要啦。唔使等直入！正呀！！
(因為見到後面立眼都有成2，30人排緊。
我地呢D真係地位超然！ wakaka)
唔諗喇。一人叫左個SUSHI set。咩都有。咩都試下 ^^
逐樣上碟。以為少少咁食。食食下好飽！！
呢個都推介既。蛋黃蟹膏沙津。樣衰但好味！
我地個師傅仔。。
地方唔係好大的~
好多日本本地人。都有遊客~
開動lu~~~~~~
食食下我唔掂啦。可能感冒未清。又飽喇喎！
諗住不如打包剩返的返酒店食。響度望到人地有膠盒。
之後問啦。原來唔可以外帶的。但好好味又唔可以唔食喎！
即刻大媽上身。同表弟講。不如我含住5舊壽司調頭走。
之後響門口lur返出黎。再擺落手袋帶返酒店。你覺得work唔work?‘
我地愈講愈好笑。笑到標晒眼水。最後笑完好肚餓。
我食埋果5件壽司。再啪埋佢個甜品布甸走人！哈哈！
臨走前撩牙。發現 wow~!!!! 好靚呀原條bamboo削既牙簽！
我忍唔住包起左4支比老公。我知我知。我呢個行為極度失禮。
無辨法啦。無買野比老公丫嘛 hahahahhaha
食飽飽。返歸lu~
係喎！新宿Hotel Gracery返酒店條街。有間叫Labi 。好行架。
類似Bic Cam。又係電器呀化妝呀咩都有。走左上玩具部。
好大呀都！早知琴日唔使去對面Bic Cam啦~
行到11點半收。好驚喜咁搵到呢渣兒時模型！
種草果d日式屋仔。好開心呀！！
今日Laforet的收獲。4件都好鐘意呢！
左右2件jacket只係 2500yen each lol
表弟今日的收獲~
條友唔知原來佢買呢件係羽絨褸。以為係夾棉。
我話佢知時佢幾開心呀！超低能囉真係…..XDDD
琴日同今日買既衫衫頸巾 ^^
飲埋最愛的 果茶。訓lu~
(真係日日飲。另一隻提子味係期間限定。仲好飲！)
~DAY 3 完~
本文還沒有回應，快來搶頭香！