Day3 原宿Laforet。無啦啦東京
2016年1月24日。黎到Day 3喇！
今日先算係真正同表弟去街街。琴日掛住行池袋。成日無見。
不過今日都唔係好好多 haha 響原宿Laforet時分開行。
佢whatsapp都話。我懷疑今日都係見唔到你…
hahaha 因為我當時6親不認地喪行緊。唔知仲行幾耐~
好喇。出門梗要影返張相先！
成個trip 都影得你咁靚仔。點報答表嫂先??
快閃每一天。無咩時間睇真間哥斯拉酒店。。
呔細好鐘意的黑貓宅急便貨車~日頭的新宿。。
想試。下次吧~
新宿小巷。。
好笑！表弟立眼見到以為麥玲玲。而佢地既共通點係….
大家都係靠吹的 XDDD
條友話琴晚食過呢度炸豬排。又見到其他野好正咁。
今日響度食埋lunch先出原宿行。呢度。係新宿小田急頂樓~
君臨天下睇風景。應該夜晚黎仲靚~！
入左一間食日本料理的。又平又好食！
就係呢間。響小田急百貨頂樓d 餐廳。坐得好舒服。都好岩小朋友黎 ^^
琴日表弟買錯飽。話呢間紅豆飽好食。專登買返酒店一齊食。
點知一咬！車~ 唔知咩果醬黎既！！hahaaha
今日死心不息。又話要買返！岩岩食完飯咋大佬….
真係要出呢句 > 比我抖下得唔得??
買紅豆都唔夠。仲話要試埋人氣密瓜包！
點呀老細。食幾多包呀要！！
之後仲變態！行過又話想食蟹柳飯。咁確係好吸引既。
又無肚喎。結果之後每日都提住要食。每日都搵邊度有。
又趕住返黎睇下收左未? 比佢發現未收又賣晒！wakaka 癲架！！
而最最最爆既係。行經生果檔。見到人地擺響士多啤梨隔離果支練奶。
竟然以為係 “士多啤梨 唧唧jam”。懶係大發現咁！
差D又掃返美國架喇。真無笑到無命….
見到又想食。但太大個喇。。
快D行啦~~~
住新宿去邊都方便。轉眼又到原宿~
出晒名的竹下通。多人到呢~！！ 黑果一片係人頭 @@
一落地已感受到迫爆氣氛。。
好想食呀。但咳。忍口！
HK都無左 dip cone好耐。 一dip變朱古力脆皮~
呢度有間卡樂B店。。
表弟逐間7-11 搵。搵果盒Pocky x Royce 藍盒百力支。。
少女不再喇！以前 竹下通 會慢慢行。而家無咩興趣。
D野太少女。又迷人pink lady果D。 唔多岩睇 hahahaha
一出左竹下通。轉右行幾步。已到 Laforet~
原本今日plan Outlet既。琴晚有卜友話 Laforet狂減。
到25號 (即聽日)。拿拿臨睇下有咩正野先！
哇！呢度戰況激烈喇……………….
表弟分開行。因得幾間男裝。佢行完就出去四圍hea。我作戰~
一入門口已經多人到爆。全部半價再折。超勁平！
轉右仲有See By Chloe 。不過唔平 ahhaah
職業病。又睇下D手袋價。全是我地Brandsss 賣緊既款。
但折左都仲貴我地一倍！去日本。都係買返日本牌子吧~
Brandsss @ Facebook >> https://www.facebook.com/brandsssbrandsss 戰略係。上頂樓慢慢行落黎 lol
迫到爆開。加上店員叫賣。完全whatsapp唔到。太嘈~
最頂果2層真係堅平。 好多千幾yen貨仔！
不過全部係冷衫 & 絨褸。我唔岩 ^^
落多2層開始係牌子野。多款 D 。慢慢睇~
響 as know as執到呢件。影比老公睇。佢好話靚！
原價10800 減到 1000yen lol
細個買衫好瘋狂。好多其實自己根本唔會著。
未剪牌已捐出。而家識諗左。唔岩style幾平都係假。
要真係好鐘意先買 ^^
之後響 x-girl睇中呢件。雙面的。勁鐘意！ heehee
諗緊黑定藍好。老公話藍色靚。呢件大約 14000yen~
之後仲試左件新貨。迷彩褸。件背心可拆的。
不過無折。好似35000yen。唔捨得買 hohoho~
拜拜。唔知下年黎。迷彩褸會唔會減價呢? 哈哈！
Merci都減緊。有2件毛毛外套幾靚。試左太大。
free size的。好似8500yen each~
佢掛響度綠色呢件絨褸都好靚。12000yen左右。好抵。
but not my style ^^
成棟野好多 i.t. carry既牌子。。估唔到表弟弟都買到野！hahaha
4件jacket。yeah~!!
下一站裡原宿….~ Day 3 待續 ~
本文還沒有回應，快來搶頭香！