Day2 池袋.庭之湯.新宿。無啦啦東京
好耐都無試過咁想寫卜。等左成日就係等2隻野訓左(係3隻)
我終於可以開電腦喇！哈哈！
呢D時間。真係好似回到以前佢地細個時。
大家成日追卜。我都係呢D鐘數開始寫。你地放工咁上下睇。
而家佢地返學。大家都要早訓。好少會咁夜開電腦了~
好喇。快D寫 東京Day 2先！
呢日表弟一早買左飛去睇叮噹的。唔係movie。係展覽。
佢話感動的。我就想下次同埋呔細黎先睇。
佢地都係叮噹fans。卡通有睇。電影都有睇晒。
同佢地去呢個地方應該勁開心！所以呢日就分頭行事~
第1晚訓得超差。成晚醒左無數次。可能時差亂左。
但其實係因為有D不安…….
話說第1晚表弟早訓過我。我攪到3點左右先訓。
訓前仲想剪埋指甲。因為啪啪聲。驚嘈住佢訓。
我咪入廁所剪囉。點知剪完度門有鎖喎！@@~！！
好記得我無鎖門的。點解呢?
因為我住酒店堅細膽。我要預備有咩E郁衝出去架嘛hahah
所以我平時去廁所都唔會鎖門。何況半夜3更剪指甲?！
唔係驚嘈既話我唔會關實門添啦！
結果我就成晚形住形住。訓得唔好囉 T.T
算啦唔好諗喇。學7話齋。當我順手鎖左啦 haahha
訓得幾個鐘。早上食埋琴晚D剩物。
11點左右出發去池袋。今日自己行街街。YEAH~
早晨呀新宿！！
早餐其實已好飽~
出發LU~ 日頭就自己都唔驚既 (係咪睇唔出我咁細膽 xD)
去玩真係無敵！訓咁少都咁精神。皮膚仲好好。吹脹！
諗住去隔離Bic Cam睇仔D toys先！
點知踩左。咁大棟野。竟然得呢行TOYS~ 
搭JR一個站就到池袋。超方便！其實對池袋都有D情意結。
因為對上2次黎東京都係住池袋。第1次 “池袋之家”。第2次 Super City~
所以都算熟池袋既。有諗住去之前去過間MOS Burger食米漢堡。
信我！日本MOS同香港MOS完全2回事。日本好食好多！！
話咁快到~
一落站。已聞到香。又係Bake~
日本每個大站都有地下mall。真係可以行到腳斷。。
睇中左迷彩果件。9000yen。諗下先！heehee
(之後見到有人著。好型呀！最後又無返轉頭買)
池袋東口都有間大驚安~
手短的人好想影到池口站。算啦……
好香煨蕃薯~
專登去池袋Big Cam先！係本店黎。超大超好行。好多玩具呢~
2隻野岩時間whatsapp。但只選了扭蛋2隻。同上中果盒for 呔仔 ^^
同時表弟響叮噹果邊。又幫我買左筆記本 & 叮噹pasta and cookie ^^
呢間Parco。2007年去過 lol 
之後開始行自己的街~
去左另一棟7層的 Parco好好行！
其實呢日差不多全日都同7 whatsapp。問佢買唔買衫。又問我買唔買好~
好想同佢黎呀！miss miss miss~~~ (幾廿歲人咪咁啦 -__-“)
響Design T-shirt買左呢件。仲有件波點1 pc shirt
之後樓上有niko and… 又買左件冷衫 & 頸巾s 
行到餓晒。睇map見到朋友卜友們大力推介”無敵家”
單拖應該唔會等太耐掛? 點知等左45分鐘。凍到疆左。
流晒鼻涕…….. 係好食既。半個鐘都抵等。1個就諗諗 haha
食完都5點幾。又上左seibu頂樓LOFT睇野。。
買左呢2個大咕臣。比呔細坐梳化時暖手。哈哈！
冷帽又減價。買左2頂 ^^
大約7點幾。放棄join表弟食飯。直接去豐島園 既庭之湯浸溫泉！
呢個都係情意結。係07年住池袋時自己上網搵路自己去既溫泉。
果時未有4g phone。無map靠 mark路。一個女仔9點去(因為9點後半價)
都幾勇架！哈哈！一直都好懷念好想去返果度。今次有機會一定要去！
池袋去豐島園都近的~
到喇！一落車。又凍又恐怖。講堅！
相影出黎光左。四圍黑麻麻。尾站黎。無咩人出入~
就係呢個站 ^^
對面有starbucks 麵店之類~
落站行2分鐘左右。好方便的~
沿路幾間好傳統的店~
到lu~ 好好享受。入面環境好舒服。特別是露天風呂。好正！
係喎情侶都浸得架。有分女湯 &男湯 分開浸啦。
中間亦有一個大池要著泳衣的。男女共浸。但我未試過 ^^
仲有。07果時9點後平。而家6點後就平喇！18xx yen > 12xx 大約啦！ 
老公叫我影返 2007 b4 & 2016 after >>
全日拎住呢渣野四圍行。堅疲累 @@
終於都返到酒店。放低D野。同表弟去宵夜！
樓下機舖。都無時間入去夾下公仔 ^^
唔係太肚餓。陪表弟食拉麵 (其實留肚食7-11 hahahha)
去藥房掃左呢渣 ^^ 
之後再走轉7仔！正呀~~！！！
溏心蛋飯團。今天的終結！哈哈！
Day 2 開始訓得好好喇！heehee
~ Day 2 完 ~
本文還沒有回應，快來搶頭香！