Feb-9.10-2010

睇返呢D相同而家既車仔。已經唔同晒樣喇。。
家陣車仔已經多左個雙下巴。闊面。幾褶頸。手腳大脾仔開始好肉~~
讚我啦~﹗ 哇哈哈哈~~~ 我係好抵讚架~~~

不過就真係好辛苦呀~~
車仔半夜都好乖。一食飽就訓返。無扭計。不過就食得好密。。
11點左右上床訓。1。3。5。7。9 起身餵奶走唔甩。。
好彩既好似琴晚咁。3。6。9。餵完換埋片。每次訓到2粒鐘已經偷笑。。
星期一至五我想陪呔仔起身。所以 6點半就要過床。。
細佬唔知係咪知道轉左床。開始 e e um um。要抱住訓。。
呔仔又可能知道多左個人 e e um um 。又早左起身。8點半左右。。
所以我最鐘意星期六。日。我可以同細佬訓到11點唔使轉房。。

而車仔響日頭時段。係不斷食奶既。。
有時半個鐘。有時1個鐘。有時又會訓成4個鐘先食。。
總之佢幾時肚餓。就會叫我。。
而家開始識扭人抱喇。如果佢起左身眼碌碌。就會想人抱佢傾計。。
日頭起耐左身。開始轉時間喇。好呀好呀。。

2月9日。車仔仲未。。

媽媽錫錫。車仔有少少雙下巴咁啦~~

好多人以為細佬出左世。呔仔既時間會分薄左。。
錯喇。我地仍然係同呔仔一齊多。反而細佬有時係被忽略果個。。
餵完細佬。好多時都係擺低佢。。
( 唔知係咪因為咁。細佬日頭喪食食食。藉此進入媽媽既懷抱 )

痴身仔。午睡媽媽懷抱中。。

勁心痛~
不過唔使擔心。第二日已經消腫。而家好返晒架喇~
第一次起樓。我知小朋友整親係好難避免。但係真係好肉赤~

研究婆婆買既車車。。

自己走入個箱。又出唔返黎。。

又跌囉。係咁架喇。。
全屋舖晒地毯都係為左比佢兩個跌。。

2月10日。。
車仔又係訓緊。。

呔仔好鐘意食西蘭花。。
未有大牙。食晒上面d粒粒。會比返條"kwan"我。。

細佬第一次落水沖涼涼。。
之前第一次擦身。weak7唔記得post。竟然話 "算啦~﹗"
幾鬼大細超﹗﹗

車仔個頭都開始圓喇。同哥哥一樣做一粒 "魚旦"

擘大個口得個….. 窿  。。

望手望到鬥。。

準備剝衫喇仔。。

唔知咩事既樣子。。

好驚。即喊。。

首次露兩點。。

開始平靜落黎。叻叻。。

唔使嗌喇。上水喇。。

喊完呢次。而家已經開始鐘意沖涼喇。。
真係期待第時你三父子一齊沖。咁我就唔使理你地啦~~