呔仔。1歲大

生左呔仔1年。又湊左佢1年~
呢1年好似過得好快。其實佢不斷長大。轉變。當中發生左好多事~
對我地黎講。呢一年呔仔帶比我地既。係無盡既歡樂﹗﹗哈~~
每一日都好開心。見到佢d動作。行為。真係好好笑~~

佢每一個成長既印記。都令我地好興奮呀﹗﹗
實在太多第一次啦~ 哈~~
黎緊仲有好多野學。好多野玩架﹗真係戥佢開心呀﹗﹗

至於1歲大既呔仔。已經行得好穩陣啦~
而家成日會拖我地去閘口。示意我地帶佢出廳行。去攪野囉~~
前兩日我響飯臺上緊網。佢自己走左出黎。衝過黎我度呀﹗哈~~
能力大左。愈來愈大膽喇。開始擒上梳化。又嘗試擒落床。。
好似咩都識咁。叫佢拎野比我地。咩都識拎架噃~ 可能平時聽左記得啦~
又識好多動作。擦腳板。拍手。。
不過一忟憎。或者比人鬧。就成日打頭頭。希望佢快d戒左呢個壞習慣啦﹗

開始有自己一套喇。唔比我地做呢樣果樣。。
鐘意同我地玩僕喱喱。喱埋響我地後面。伸個頭出黎嚇我地。。
如果我地問 "呔仔響邊呀?" 扮比佢嚇到。佢就會好開心笑啦~~
又鐘意同爸爸踢波波。玩遊戲。。
總之"互動"左好多。唔再係得我地tum佢笑。佢都有份玩啦~~

最攪笑係Tindy叔叔送比佢部車車。佢岩岩夠腳長。識得自己上上落落。。
叫佢上車車。佢就騎上去用腳撐下撐下。真係好過癮~~

呔仔而家有上下門牙共4隻。又見到佢上下都出緊牙啦~~
胃口一時時啦。可能一路出牙。都無以前食咁多粥。反而食多左奶。。
一日3餐8安奶。有時都會食多4-5安。。
粥就兩碗仔。其餘都係生果小食等。。

1歲啦﹗爸爸媽媽祝你身體健康。快高長大。聽教聽話啦﹗﹗