小朋友對抗流感的分享

點樣為小朋友抵抗流感做好盡備??講下點樣強化寶寶的免疫系統和消化系統

睇開我卜既朋友，都知道呔仔細細係母乳 BB，兩個我分別埋身餵左一年。果時其實唔係好知咁多醫學上既野，只知道母乳係對寶寶免疫力最好，同最適合佢地腸胃既食物！

咁岩近排睇到篇醫學報導，就同大家share 下母乳入面有咩成份係對 BB 最好的，等大家對母乳成份有個概念~

原來母乳入面有種醣蛋白，叫乳鐵蛋白，除左母乳外，呢樣物質可以響鼻腔，肺部 同腸胃黏膜既分泌物搵到，而呢 D 位置正正就係細菌通過進入我地體內既必經之道，而呢 D 分泌物係關乎於我地體內酵素同淋巴免疫系統，所以對保護我地免受細菌感染好重要！

呢種乳鐵蛋白亦可激發腸道上皮層細胞增生，幫助抑菌，減低肚痾機會，保護腸道健康！所以點解 D 人話母乳BB 好少腸胃問題，便便暢快又舒服，原來就係因為BB 吸收左乳鐵蛋白。

另外，母乳 入面仲有原 生營 養 成份，叫 MFGM乳脂球膜，亦可幫助增強免 疫 系 統 ，令小朋友無咁易受外來細菌侵襲。報導有提及，根據臨床研究顯示，每日攝取適量既 MFGM 乳脂球膜，絕對有助增強小朋友免疫力。例如於流感期間減少受感染小朋友發燒既時間，同時亦減輕出血性肚痾既機會。

而感流期間，除左注意環境同個人衛生外，更應該盡力提升寶寶 免疫力 ，小朋友身體夠健康，先能最有效抵抗外來病菌！

作者：呔媽.Kelly

全職媽咪，視"呔細快樂成長"為己任！Brandsss@Facebook名牌手袋店Buyer。秘撈shemom. com客席寫作人。此少婦長期渴睡，幻想一天有48小時~

| Facebook | 個人介紹