星期六。日

又係星期六。日。我地出左兩日街啦~~
今次同平時有少少唔同。係係兩日都陪老爺奶奶。。
呢個情況係十分之少有既。平時最多都係陪一日。。

星期六本身約左個經紀去睇屋。點知佢臨時先話唔去得。放飛機~~
我地既然一家人出左去。就揾地方去啦。。
我地去左Ikea。行行逛逛。食下野。又一日~~

發現個頭唔落野都OK。所以呢兩日就好懶喇~~

好多波波池既波波呀~~

星期日。weak7約左一個買相機既鬼佬交收。。
我老公己經成功賣晒佢D相機 & 配件。而家正等緊Canon出新機。。

由於奶奶話想買件厚D既褸。我地又同佢去左Northface Outlet睇睇~~

我好鐘意既超薄羽絨褸呀~ 減完都要90蚊。都係再等~~

前兩日我又扭食McFurry~~
老公話如果今日氣溫過70度。就可以食~~
點知我一路捽神燈 (即係我個肚煲) 一路叫62。63。64。65。66'F
好似跑馬咁~~ 不過到66度。就無再升喇﹗﹗﹗
我當然唔會放棄。扭呀扭。扭呀扭。又扁咀~~~

終於。。

登。登。登。凳﹗﹗
獲得McFurry – Oreo味一大杯~~
但我都係分到半杯啫~~

之後又去食HotDog。我食左一啖。因為醃製野都係少食為妙~~
呢間Gilled Hot Dog好好味架。未大肚前老公都帶我黎買過一次~~

weak7抱BB相
佢第時個樣就係咁架喇。只不過條熱狗就變左係B子~~

竟然揾到呢隻糖~~ 4蚊PACK~~正﹗﹗

呢套衫仔係子韻媽咪送比我地架~~ 些些~~