婚前沖廁。。

日期: 2007年12月11日下午05:03｜回應: 13 個回應｜

今日終於買到對鞋啦~~
之前兩對BCBG唔掂當啦。腳踭位好鬆呀。
行到及下及下。好彩試試走。唔係果日實仆死我。。

著上腳好靚啦。是結婚鞋。。

之後陪weak7買恤衫同呔。揚揚表苐都有出黎~
又去Banana買埋件冷衫。到時睇下鐘意著邊件啦。成日扭扭擰擰﹗﹗﹗

今日發生左兩件好彩事啦~~
1。 weak7好餓話要食pizza。我即刻乘機扭食雪糕。
佢話太凍唔比我食。我又搓輸左無得再扭。
就在此時。職員捧出一大盆雪糕比人試食。。
哇哈哈~~ 天助我也﹗﹗﹗ 我食了兩小杯呀~~
2。買恤衫時見到Display有件好岩色。
但自己又揾唔到。問人又揾唔到。佢話可能未換Diaplay係舊貨。賣完了。
我地好失望啦。走前又再睇睇記住隻色。去另一間買。
點知。weak7發現堆衫當中有一千零一件。仲要岩碼﹗﹗﹗﹗
實在太好彩了~~~~