去睇介指啦~

日期: 2007年11月11日下午05:39｜ 回應: 2 個回應｜

好開心啦~ weak7今日帶我去試求婚介指既大小。。

大家一定好出奇: 咩仲未求婚架咩?? 排左期註冊喇喎。。
而我話比朋友知我結婚啦~ 個個都問阿weak7有無跪係度求婚呀咁。。
哈哈。。未架。。佢咩都未做架。。
不過佢話會surprise我啦﹐所以我要等等喇。。
可能個surprise就係無surprise就咁就嫁左去喇。。
見佢近排開始古古惑惑﹐不過我又唔可以問﹐好緊張呀﹗﹗

今日佢同左我去Swarovski睇一隻我好鐘意既介指。。
可惜帶落無名指有些少鬆﹐已是最細碼了。。
有點失望啦~ 但帶落中指就岩 岩好啦~ 哈哈~ (得唔得架??)
見我好鐘意﹐weak7就話得架﹐佢話: 我地自己知咪得囉~
同埋我地會返香港買結婚介指﹐到時將婚介套在求婚介上咪岩囉~ (係咪咁帶架?)
最終都未買啦~ 都係o個句 : 等等啦~ 就黎surprise架啦~~

走左之後﹐行過外面見到一隻好閃好大粒鑽石既介指﹐買2500﹐我話: 好閃呀﹗
佢突然問我: 其實你介唔介意隻介指唔係鑽石黎架?
我話: 唔介意啦~ 水晶都好靚啦~~
佢又問: 咁你D朋友問你﹐你會唔會唔開心架?
我答: 梗係唔會啦~ 水晶好閃丫~ 哈哈~ 我地開心咪得囉~~

在我心入面﹐其實已經好甜﹐因為weak7好顧慮我既感受。。
佢可能認為我話唔需要鑽介係因為唔想佢使咁多錢 。。
而我又知道只要我想買既佢都會買比我。。
其實咁樣已經好足夠啦。。
雖然身邊既姊妹都戴住粒粒大鑽介﹐但我仍然覺得我是世上最幸福既女人啦~~

標籤 :
分類 : 講.結婚
還有好多我們家的最新動態在FB專頁上唷！歡迎點Like加入大家庭! »
«
»

作者：呔媽.Kelly

全職媽咪，視"呔細快樂成長"為己任！Brandsss@Facebook名牌手袋店Buyer。秘撈shemom. com客席寫作人。此少婦長期渴睡，幻想一天有48小時~

| Facebook | 個人介紹