視察Discovery Kingdom。。

上回講到3日long weekend。我地第一日去左禧禧屋企。。
第2日。約左阿哥阿嫂同小蘋果表姐。一齊去Discovery Kingdom~
呢個地方係類似海洋公園既遊樂場。當然。D 機動遊戲勁好多。直情係喪架﹗﹗
成10年前同班朋友去過。都好耐無去了。。
都唔知自己仲受唔受到果D瘋狂過山車。跳樓機呀咁。。
而家見到都有D腳軟~

當然。而家主要係去"兒童王國"啦~
不過毛揚表弟話下次一齊去既話。要玩過山車喎﹗
有人陪。好想玩呀~~ (weak7係從來唔玩的)

講返點解會無啦啦去呢。。
因為早幾個月前。嫂嫂幫我地上網買左Season Pass。今年無限去玩。。
買4張送全年Paking。2個大人(under3歲唔使錢)都係75蚊。幾抵。。
而我一心想帶呔仔去既。就係入面既 "Thomas Town"。。
哇~~~ 有得坐Thomas火車同 搭Harold飛機喎﹗隻傻豬一定好開心~
應該去好多次都唔厭既~~
好啦﹗就決定買啦~~~

May-29-2011

差唔多1個鐘車程。。

沿途見到"大腳8"~

到啦。好好天氣呀﹗同我地果頭完全兩點事。。
等我同佢地著晒長袖。。

曬。不過都有d風。。

好乖既小蘋果表姐仔。。

瘋狂遊戲。我次次話想玩。老公就話 "唔係掛? 玩咩丫。算啦~~~"

有小朋友。係好驚死架喇。都係坐下choo choo火車算。。
同埋睇動物都好安全。。

開始玩前。。

爸爸叻。改良左部孖車。哥哥都可以向前坐有得"挨"。唔使"銀"背背。。

難得曬下太陽。似返5月天。。

一家大細坐潛艇。。

之後心急去坐Thomas火車。。
唔止呔仔。其實我都帶住超級興奮心情。。
因為由琴日開始。就話比呔仔知會坐Thomas。又有Harold飛機。。
點知行到去。o下~~~~?????
無左?﹗?﹗?﹗?﹗?﹗
再問問工作人員。真係無左呀~~~
失望到爆呀。。

火車仍然係火車。不過無左Thomas呀。慘。。
雖然呔仔坐火車都係咁開心。但口中就成日講住揾Thomas。。
我唯有話佢好攰返左屋企先。下次再探佢喇。。

等火車途中。。

爸爸氹得兩隻仔好開心。。

呔仔呢期鐘意玩"落雨"。。

四圍滕。開心。。

等車必做。自拍。。

嫂嫂買黎雪糕。。

坐火車中。兩隻野掛住睇風景。。

呢個應該係Tidmouth Sheds。係Thomas佢地既屋企呀~~

坐火車好玩。。

車外。真係有閘住路人的。。

之後坐呢架飛機。前身係Harold黎架﹗﹗

細細唔肯。邊坐邊扭。。

坐車嘆奶。即刻定晒。。

仲好開心添。我相信佢未enjoy玩呢d遊戲。哥哥就開心。。

下次都係搭下火車算。昇高可能驚。。

之後仲去左睇"鯊魚館"。不過無影相。。
呔仔好鐘意魚魚呀。猛篤魚缸。。

勁熱。爸爸竟然要求影呢套衫。。
香港買的。哈~

媽媽想玩。爸爸唔比。妖~~~

睇人玩睇到眼定定。。

3表姐弟。嘻~~
(注意 : 細細猛伸手想拖表姐)

表姐好開朗架。好開心細細拖佢。。

又鐘意攬住呔仔影相。不過呔仔即刻縮。好鬼怕羞。。
細細就比較主動。大膽。。
唔通真係3歲定80??

爸爸同呔仔睇大象show。不過睇左一陣。呔仔扭扭地。又走了。。

我地zip唔到入去。唯有四圍行。。

睇象。。

其實呢度好鬼臭。。

兩隻野差不多眼訓了。走人。。

肯坐 = 累。。

走前爸爸試掟SpongeBob大咕臣。。

oh no~~~ 彈出界~~~

呢次當係黎睇環境。星期日太多人了。。
我地連個Pass都換唔到。要影相。條隊長到呢~~
下次再黎。爸爸請半日假應該OK~~