呔仔2歲2個月。細細11個月大
哈~ 又係時間記低一下佢地今個月既近況~
(其實都過左一排了。細細26號。呔仔2號既~
)
(其實都過左一排了。細細26號。呔仔2號既~
)
講下呔仔先啦~
呢個月。講野方面超大進步呀~
講左好多新字。。
佢突然爆左好多好多字出黎。。
好多時係玩玩下突然講架喎。真係驚喜~~
例如識講 "更而姐"=剷泥車 
"返屋己" = 返屋企
"末更" = 煤炭
"電woo" = 電話
"毛巾" 講得好正~
"麥飽" = 麥包
"敬間樹" = 聖誕樹 
"間間狗" = 彈彈狗 
"格格key" = 垃圾車 (哇﹗呢個我估唔到。爸爸竟然估到。勁﹗)
其實仲有好多好多。都數唔晒了。。
其實仲有好多好多。都數唔晒了。。
開始由2-3個音。變成講到4-5個音啦~ 勁呀~~~
會自己組合一d已經識講既字。。
例如係將一樣野前面/後面加上人名。拜拜媽咪。謝謝爸爸。錫媽咪。BB唔好…..
成日跟我地口水尾。咩都識咁。好好笑呀~
暫時講得最長既一句係 "唔 ill 先先扁。ill bubu講~"
(即係 "唔要星星餅。要bubu = thomas 糖"
完全表達到自己既意欲。同我地溝通得好好~~
仍未戒片。天寒地凍。等回暖再講。。
(其實係我懶 -__-")
(其實係我懶 -__-")
食野方面。我覺得佢食多左。。
除早餐外。午晚兩大兜雞或三文魚+菜+爛飯。。
佢其實可以食飯喇。不過煮開比細細就一齊食。無食大人野咁重味。健康D啦~
呢隻仔係大胃王。多數食完自己大兜野後。就會再食菜。食生果。飲奶。。
又會食好多餅呀。麵包之類~~
都係早午晚8安士牛奶。間中會飲多兩杯豆奶。真係好狂。。
近排我仲將細細食剩既飯。餵埋呔仔。。
包埋細細底後。呔仔想唔肥都幾難了~ 哈~~~
自從細細都加入爛飯行列。真係覺得用多左。。
以前煮比呔仔。半嘜米食2日了。。
而家半嘜米食1日咋~ D肉呀菜呀都係啦。爸爸真係要努力揾$$$
近排開始幫呔仔揾學校。。
其實都係附近有兩間幾好。去過一間睇過。。
不過問清楚後。原來政府已落實 "9月足5歲先可以入K"方案。。
呔仔11月生日。即係要做大仔。5歲10個月大先可讀K。。
呢邊同香港一樣。幼稚園讀3年 ( PRE +PRE-K +K)
唔同既係。頭兩年隨你返唔返。但一定要返K 先可升小一。。
變左呔仔可以3歲10個月先開始返PRE。。
咁當然可以提早。但我又湊緊細細。都唔可以全職做野。。
心諗或者等呔仔3歲半先入學啦。慳得就慳。。
800幾蚊一個月。好甘呀~~
到時加埋細細都返學。double呀。想唔出山都唔得喇。。
(話時話仲有無人肯請我呢挺師奶架?﹗)
(話時話仲有無人肯請我呢挺師奶架?﹗
)好喇。到細細喇~~
今個月就叻喇。已經四圍行喇而家~~
仲愈行愈快想跑咁款~~
都真係幾勁。由月頭夠膽自己行3步。到中月行到6-7步。。
月尾己經行晒成個廳了。。
而家直情好少爬喇。我響廚房煮緊野。成日都會見到呢個細細行黎行去。。
佢真係好叻呀﹗ 呔仔果時我地都有陪行。有教下。。
但細細就自學。睇得哥哥多。自己每日練。真係好勁。。
仲係十分之有毅力果隻。跌到企起再跌再企。。
真係 "強人是你。能飛天遁地~~"
望住細細。都幾感動。。
心諗 : 希望佢地大個左。一樣"遇到困難唔會放棄。跌倒識企返起身" ﹗
兩兄弟都有唔同嗜好。哥哥鐘意玩車。細細就鐘意踢波。。
每日我都會拖住細細。同佢踢一陣波。佢好鐘意架。笑到卡卡聲。。
又會自己追住個波黎踢。堅踢。好攪笑呀~~
多數我地踢踢下。呔仔聽到笑聲。就會加入(搶波)。唔執輸丫嘛~
所以細細鐘意踢波後。從不踢波既哥哥都踢埋一份啦~
細細仲未識叫媽媽呀。傷心~~~~
(哥哥9個月大就狂叫了。。)
"爸爸"都未識。但就會講 "dadadada~~"
發音方面。都會講好多BB話。有時會幾個音一句。。
可能講緊野架喇。不過我地唔明~
唔知佢幾時會叫我地呢??
食野。都係埋身人奶。日頭4-5餐。多數眼訓時會扭奶食。。
仍然係早餐生果/芝士米糊 + 兩餐菜肉爛飯。。
除出牙果幾日無胃口外。每餐都食到好大兜。。
近排比多左生果佢。但我成日形住生果好惹啖。都係食梨/藍莓等。清清地。。
有兩隻好大既下門牙。。
而家出緊右上面門牙。出左好多了。就快會見到架喇~
呢個細細同哥哥唔同。係大情大性既人。。
好爛笑。又好爛喊。又嗲得好緊要。而家成日詐嬌架。。
婆婆話我當左佢係囡咁湊。呵~
哥哥都係開心仔。古靈精怪。但情緒無細細咁起伏。比較淡定~
都岩既。做大佬。緊係有返少少台型既 。哈~~
講到口乾。去相吧~~
呔仔自己坐左入細細個"食飯兜"
(而家用呢個餵飯。因為細細成日擒出 high chair -___-")
媽媽偷拍中。。
細細又大個了。哈~
"哥哥。你食緊咩呀? 我都想食呀~~
豆豆條正噃﹗﹗ 不如我用呢個。同你換幾條丫~??"
"唉。用左部"挨風"。都係換得兩條。都要慳d食喇~~"
"喂。媽媽好似比左一渣你。叫你分比我架喎~﹗﹗"
"嘿嘿嘿~~ 
分比你? 好難喇~~~"
分比你? 好難喇~~~"
"車~~ 唔比就算。好叻咩?﹗"
"我都係食剩1條咋細細~﹗﹗"
"丫。做咩條眉咁鬼痕呢。。"
變身開心仔~~~~
"哥哥都唔知。其實我收埋1條慢慢食架~ 叻叻~"
"真係衰喇。比哥哥睇到。要我分左半條比佢 =_=""
"哈哈~~ 以為我睇唔到? 我話晒都大係15個月啦傻豬~~"
"我就真係扮無喇。你睇。我食極都仲有呀﹗﹗""
""
呔仔又食食下野訓著左。。
我響遠處見到佢唔郁。定晒形。仲以為佢睇緊電視。。
呢個真係佢既強項。。
就算飛隻烏蠅入口都唔知喇。。
大老闆。。
手中仍然渣住粟米條。。
還有好多我們家的最新動態在FB專頁上唷！歡迎點Like加入大家庭! »
