"Your baby is a…"

等叫名。好緊張啦~

入面究竟係。。

今日主要係做 "Fetal Survey" 。照結構同埋會知道BB既性別~
我地跟姑娘入到去。我就訓低。擦肚肚GEL。。
姑娘就話今日會幫BB度全身既尺寸。睇下BB各方面正唔正常~~

weak7捉住我隻手。開始照喇~~
二話不說。我地都未有心理準備。佢下一句就話。。

"Your baby is a… BOY!! Congratulation !!!"

係仔呀~~

哇哈哈哈~~~
我同weak7互望。之後我地個口。就一直無合埋過喇~~

我地個BB而家18週。有 7 安士呀~ 所有野都好正常~~
可以放心晒啦~~
趁等醫生入黎double check時。仲即刻打比老爺。奶奶。我媽咪等等~
個個都好開心啦~~~

知道係仔後。weak7好瘋癲﹗﹗﹗
因為將會有個迷你版既weak7仔。陪佢一齊癲~
而佢既惡行亦將會一代傳一代~~
而我。當然好開心啦。因為佢兩仔爺去踢波。我就可以去行街~~
同埋帶去廁所呢個重任。就可以卸左比weak7啦~~

我地一路離開。一路哼住"小老鼠與大花貓"既曲調~~
呢隻係我地近排成日唱既兒歌。好開心呀﹗﹗﹗

BB & 心跳圖

大魔頭weak7。迷你版即將面世﹗﹗

話時話。你地呢班卜友既直覺真係準~~
不過我都有付出架。除左爛面爛頸之外。我仲起埋濕疹呀﹗﹗
痕到呢~~~~
不過呢個下次先講啦。我好眼訓喇~~