功課。改人地件野
遲遲唔做呢份功課。其實我都估到自己咩事。。
呢兩日整呢件野。心情煩燥。。
原因好簡單。因為十分唔鐘意呢件野既cutting。
又唔夠布整自己想要既野。結果都係要為做而做。。
呢兩日整呢件野。心情煩燥。。
原因好簡單。因為十分唔鐘意呢件野既cutting。
又唔夠布整自己想要既野。結果都係要為做而做。。
我知道點解做計設既人。咁鬼藝術家脾氣~~
因為做出黎既野唔係自己想要既話。真係會好鬼執著~~
為做而做。唔通要向現實低頭???
weak7 : 都係一份功課啫~ 攪掂咪算囉﹗﹗
咁又係~~ 咁睇唔開。第日打人地工。仲煩燥呀~~~
呢兩日攪黎攪去。在忟憎中渡過。結果?? 還可接受啦~~
拆呀拆。拼呀拼。盡量試呢試魯。希望擺脫"佢"既影子。。
星期五。試左好多款。無樣岩﹗﹗個人開始亂諗喇~~
心諗不如將條裙下面。好似人地織滕籃咁。整一格格。。
點知﹗ 就係行錯左呢一步~ 連果少少布都side左~~~ 極度後悔呀~~~
車車下。又黎。成舊車床飛左出黎﹗﹗好彩我夠忟憎﹗
我差D成部拆晒黎攪~~ 同我鬥??? 哼﹗ (我諗我痴左線)
最後。剩得呢個款比較順眼。。
其實我好鐘意左面既裙型。不過無布可加上去。拉左錬就變左右面。。
後面變左大露背。其實我幾鐘意個頸位同朵花花。。
可能我自己唔鐘意窄身裙。所以下身好眼冤~
原本同學仔既裙。佢後面同前面一樣高。後中拉錬。。
總算攪掂。唔想再諗喇~~
還有好多我們家的最新動態在FB專頁上唷!歡迎點Like加入大家庭! »
<–怪怪衫
其實先前第一次見你post 呢件衫 真係好唔明個設計者想點
好似求奇囉 我諗你同學先係為做而做呀
我見你好比心機去改呢件衫呀 最後個完成品都唔錯呀
我鍾意露背既娃娃裙呀 真可惜唔夠布呢
[版主回覆03/10/2008 03:48:00]係啦。無理由加布咁衰仔。既然係咁玩。 都無辦法。照返窄身囉~~ 其實最衰自己攪衰左一d布。如果唔係可以加布在兩側。 唉。。算啦~~
朵花花好得意呀!條裙經你改完已經靚咗好多
如果有多少少布完成個娃娃裙款就 prefect 喇
[版主回覆03/10/2008 03:48:00]係呀。我都係咁諗。。 算啦。有缺憾先令人有回憶既~ (痴左~)
好靚啊
[版主回覆03/10/2008 03:49:00]係真唔係呀? 做咩我又唔係好覺既?? 哈哈~ anyways﹐好多謝你既鼓勵呀﹗﹗
又不錯喎~~~~我都鐘意後面朵花花~~
[版主回覆03/10/2008 10:59:00]多謝啦~ 覺得好鬼單調。所以加上去。。 其實我好鐘意多d details既衫。cutting就最好簡單。。
佢本身個設計太乞人憎啦~~~ 好唔鍾意0的衫又窄又長 你宜家個design 我覺得好似兔仔呀~~
[版主回覆03/10/2008 11:01:00]哈~ 其實我係唔鐘意佢個cutting。好似舊時d返工裙咁~ 而家都唔太滿意個型。不過聽日交喇。 算啦~~
其實窄身都ok呀, 只不過係你自己唔鍾意啫, 窄身果條高貴d, 鬆身果款就causal d襯條牛仔褲就可以出街囉
[版主回覆03/10/2008 11:02:00]你話ok我都放心d。起碼有人buy。。 係我自己唔鐘意。其實就好主觀既~~ 哈哈~~ 你點呀? 就快又做姊妹喇﹗記得post相上去呀﹗
你好叻呀! 完全無原先條裙嘅影子, 已經好成功架啦! 我相信如果你畢業後再努力D好快就可以有自己嘅品牌, 都時紅咗唔好唔記得我哋呢班Blog友呀, 最好就係每人派1張"永遠榮譽會員咭-每月免費任取3件衫"!
其實最後果兩個款都好好睇, 睇吓你想你嘅設計走咩路線啫吖!
[版主回覆03/10/2008 12:46:00]多謝呀﹗ 其實都有同學仔揾我plan下自己出label。。 我就無咩錢投資做老細喇。不過請我做designer又唔拒呀﹗ 每月免費取衫? 我做到老細既。當然可以啦~ 不過未既。就可取衫板比你地~ 一樣啫~~ 哈哈~ 我鐘意年青d。就算要grand。都要有活潑原素~ 基本上上左年紀既女人。都唔鐘意著返自己年紀既衫既~~ 哈哈~~~
好勁呀..終於改好la…你而家真係要放輕d呢..唔好咁緊張la…
[版主回覆03/10/2008 12:46:00]係呀。我個人咩都唔緊要。 唯獨是自己整既衫。對自己要求較高~~
我鍾意窄身條裙,真係要好FIT先著到呀
[版主回覆03/11/2008 11:39:00]係呀。因為我無咩腰。所以窄裙唔係我口味~~
我都like鬆身個件多d..
年青好多~
扮後生..係我強項..ahha
[版主回覆03/11/2008 11:40:00]哈~ 你都好後生啫~ 而家好多後生靚媽寫Blog。。