還是覺得你最好…味
之前提過想幫細佬戒人奶。。
一黎怕戒口太清。自己同細佬都唔夠營養。。
二黎我都有濕疹。有時諗。唔知會唔會經人奶過左比細佬。。
最最最令我有意轉細佬食奶粉既係。之前有卜友提及過。
有個BB戒人奶後。發左10個月既濕疹即時好番晒。到而家都無發過喇。。
哇~~~~﹗﹗﹗係斷尾呀大佬﹗
呢兩個字對我地黎講。真係同中六合彩無咩分別~﹗﹗
一黎怕戒口太清。自己同細佬都唔夠營養。。
二黎我都有濕疹。有時諗。唔知會唔會經人奶過左比細佬。。
最最最令我有意轉細佬食奶粉既係。之前有卜友提及過。
有個BB戒人奶後。發左10個月既濕疹即時好番晒。到而家都無發過喇。。
哇~~~~﹗﹗﹗係斷尾呀大佬﹗
呢兩個字對我地黎講。真係同中六合彩無咩分別~﹗﹗
8月2日。下定決心幫細佬戒媽媽奶。。
前一晚。媽媽帶住分手心情。餵埋細佬呢次。。
飲飽食醉。大覺訓。。
哇~~ 你個肚想點??
好麻甩呀。。
豬潤。。
臨訓前。第一次試食奶粉。。
結果。一啖都唔肯食。。
扭呀扭。嗌呀嗌。開始失控。。
為免嘈醒呔仔哥哥。都係快快埋身餵質住佢把口。明天再試。。
"唔制呀唔制呀~~"
"試下啦仔~﹗"
"哼。我唔聽~﹗﹗"
嘆完媽媽奶。好好訓呢~~
細佬每晚就係同我頭貼頭訓架啦~~
第二朝。再試。。
仍然失敗。。
細佬望住我。個樣可憐到…無得再慘架喇。。
點都唔肯啜。。
過一陣餓下佢再試。夾硬質佢食左3安士。。
望住佢啜奶樽個樣。。
唔知點解。個鼻酸酸。忍唔住喊。。
傍晚。再試。。
呼天搶地。點質都唔肯啜。。
唉~~ 個心好痛。點解要咁呢~~??
唔分手啦。唔分手啦。等你大個少少。先食奶粉啦好無?
呢個moment仲咁愛大家。似乎好難分到手喇。。
細佬知道開餐就會擘大口揾。自己揾。一揾到就啜住唔放。。
食到咁上下又會好得戚咁向上望我。微微咀笑。。
呢種感覺。並唔係隨便一個硬膠樽可以代替。。
既然細佬有呢個福氣。奶粉。過多幾個月先轉吧~~
(琴晚半夜細佬都食左3次奶奶。濕疹今朝都無發。應該唔關媽媽奶事掛?﹗)
自從媽媽餵返奶後。心情又再愉快起來啦~ 哈~~
都話左。分手係一件好傷心既事啦~~
今朝。。
I LOVE MOMMY'S MILK~!!
哥哥都食媽媽奶到9個月大。。
初時諗住唔餵。既然有奶。都唔好SIDE。。
泵出黎比細佬沖涼。而家又唔使喇。。
還有好多我們家的最新動態在FB專頁上唷!歡迎點Like加入大家庭! »