呔仔1歲9個月。細佬半歲大啦
其實中藥飲 &沖涼我都試過。次次都瀨野。仲發得勁。。
可能細佬同媽媽一樣。唔受中藥。。
我又試過問醫生可否做allergy test。睇下細佬咩敏感。。
不過佢話1歲左右做先準。而家做好大機會係揾出我既致敏原。。
因為細佬仍有我既血。。
做左出黎。知道食咩敏感。但其實所有會致敏既食物。1歲前都唔會比佢試。。
講來講去。都係要等佢抵抗力強d。先會慢慢斷尾。。
兒科同皮膚科醫生都咁講。唯有聽從。。
呢排發現。每次出親街。細佬d濕疹都會散得好快。。
開始諗。會唔會係屋企有野攪到佢發~??
諗黎諗去。就係塊地毯~~~﹗﹗﹗
呢樣亦係呔仔同細佬唔同既環境。因為地毯係呔仔1歲時先舖既。。
因為呔仔經常向後撞頭。又成日跌。地毯係安全好多。。
而細佬出世就有地毯了。。
雖然無擺過細佬落地毯。但地毯都好多塵。隔日吸都大大堆塵~~
開始諗。係咪應該起左佢。回復原來木板地呢??
成$2700呀~~ 舖左半年。真係捉蟲~~
不過話說回來。如果起左都無幫助既。就真係揾笨喇~~
由於愈戒愈清。。
雞蛋。牛肉。奶類。海鮮。果仁等等 + 所有會致敏既野。。
開始覺得自己飲食唔均衡之餘。細佬可能都得唔到某D營養。。
近日開始產生"唔餵人奶"既念頭。。
或者咁樣對大家都好~??
都餵左半年。媽媽抗體應該足夠。。
希望細佬食奶粉後。會有好轉啦~~
其實都好唔捨得。餵人奶同細佬真係好親密。。
佢仲好鐘意一路食。一路望住我。甜甜的笑。好好好sweet架~~
今晚第一次比佢食奶粉。竟然唔制 (無阿哥咁順灘)
點都要埋身食媽媽奶先肯訓。。
仲痴到媽媽實一實。又令我暗裡心甜。。
好~﹗明天再試啦~~
* * *
講返呔仔。21個月啦~ 仲有3個月。就兩歲啦~~
時間過得超快。雖然係好忙好累。但超級開心~~
呔仔望落愈來愈小童啦~ 其實仲係好細個咋~ 哈~
好勁呀。今個月一野出晒4隻大牙啦~﹗
仲差4隻就出晒全部牙啦~﹗﹗
好快可以食雞脾了~~
而家成日自言自語。同埋有時會跟我地講野。淨係講個尾音。。
開始叫我地睇佢既行為。。
擒上一個新位置。會不停 "媽媽。媽媽。媽媽。媽媽~~~~~~"
即係叫我睇下佢幾勁~
全屋人除左我。無人會鼓勵佢擒野。。
我係唯一一個會同佢同流合污。仲會讚佢叻既人~~
好男仔呀﹗開始鐘意玩車~ 消防車。剷泥車。垃圾車。。
總之愈重型。愈大架就愈鐘意~~﹗﹗
開始發現"擰頭"真係好好用。所以問佢咩幾乎都係擰頭。。
食量方面都定晒咁滯。只不過出牙時就有時無胃口。。
出完牙後。好大碗飯都清晒。。
而家每日都兩大篤屎。之前就多數一篤。。
同媽媽一樣係零食怪。好多時會自己摷野食。差d係佢分配返比我轉頭。。
* * *
到細佬喇。半歲半歲~~yeah~~~~
我好想細佬快高長大。因為我好希望佢既濕疹會係2歲前斷尾既一群。。
辛苦我唔怕。我只係希望有個限期。。
而家都慣左。每晚都醒好多次。因為細佬好痕。要抱訓。。
唔緊要啦。只要佢訓得舒服。夠訓。我就開心架喇~~
識左差不多2個星期。愈坐愈穩陣。。
仲未識轉身。無辦法。太少時間比佢灘響度。。
放落地太低。又怕佢食塵。濕疹發。。
起身後。又唔可以碌床。因為我要出廳睇呔仔。。
係臨訓前可以轉下轉下。。
不過順其自然啦。細佬好似對"轉身"呢件事興趣不大。。
月頭開始上食米糊。到而家。已經午晚各一餐啦~~
中午食蔬菜米糊。食過Carrot , Squash, Corn, Sweet Potato等。。
晚上就食一樽Baby food。。
細佬最愛晚餐Turky Rice。一啖接一啖。。
反而米糊就麻麻。可能同哥哥一樣。唔鐘意食甜野。。
奶量。都係埋身餵。日頭3個鐘左右一次。。
半夜就狂食。因為不斷起身。又不斷食住奶訓番。。
可以食到每朝起身條片爆咁滯。一唔係就漏晒。。
都好既。食得是福﹗我buy你呀細佬~﹗﹗
兩隻豬仔訓晏覺。。 (媽媽擔凳影)
訓覺個樣。一模一樣。。
影影下。老爺多手。攪醒左細佬。。
細佬望住爺爺。笑笑口。。
好﹗等媽媽影下呢隻白白豬先~
"媽媽。我個腩圍勁唔勁呀??"
叻叻呀。向上望都無反艇~~
"哥哥訓緊。咁我一個人。攪咩好呢??"
……..谷care (咁突然呀仔~﹗﹗)
認真辦事中。請勿打擾….
爽晒~~~
暢通無阻。知你叻啦。個樣囂到呢~~
好似好少爬響度影相。。
不忘食手。。
不知不覺中。大個左好多。個身長晒。。
哥哥個訓樣真攪笑。。
"哥哥呀﹗起身陪我玩啦~~黎啦黎啦~~~~"
"依~~ 媽媽呀。細佬整醒人呀~~~"
禧禧哥哥過左好多衫褲比呔仔。真好。有野執~
呢件sweatshirt係禧禧哥哥架。呔仔之前都有。遲d可以同細佬兄弟裝啦~
近排最鐘意扮BB。問佢BB係點喊架。就係……
細佬呀﹗我知你好開心。不過媽媽就黎比你搣爛喇~~~
婆婆黎湊孫仔。。
兩個都鐘意痴媽媽。lum到暈啦~~~
下門牙就快出口啦。成日揾野咬。。
哥哥天真食橙。細佬奸到出汁
又搶相機。。
細佬B最鐘意婆婆抱住訓架。可以3個鐘唔起身。幾鬼識嘆。。