笑料幾則。細佬反反反

可惜隨著細佬出世。weak7就可以鬆人。。
經常以"返工好攰"。"陪呔仔訓" 做藉口。求其摙兩野就閃。。
哼﹗你有張良計。我都有過牆梯~﹗﹗

weak7係一個好念舊 / 懷舊 既人。。
我發現。每每當我講起香港。佢小時候既生活。地方。食野等。。
佢就會滔滔不絕。。

weak7近來迷上用Google Street View睇番香港既街道
仲要日日話 "今日我去左旺角, 尖沙咀, 九龍城….blah blah blah"
嘿嘿嘿~~ 而家我成日都用呢招。同佢一路傾。等佢一路摙。。
哇哈哈~~ 唔經唔覺。又呃得半個鐘舒舒服服~~

*                             *                               *

話說 weak7既中文讀寫程度。只有小學6年級。。
睇一d比較深既字。好多時都係估估下。。
正所謂 "有字讀字。無字讀邊"。。
某日唔知睇緊本咩書。有 "冀盼" 呢個詞語。。

weak7   : 丫。咩係 "糞盼" 呀老婆??
Kelly     :  唔係 "糞盼"呀。係 "冀盼" 呀~﹗﹗
weak7   :  哦。即係點解??
Kelly     :  即係好期待。好盼望既意思。。
                呢個冀係 "北田共"。糞 就係 "米田共"~
weak7   :  o下?? 米田共﹗﹗ d 人話 "米田共" 係屎。原來夾埋係個糞字呀?
                哇哈哈哈~~~ (佢自己笑左好耐 -____-"" )
Kelly     :  哈~~ 你唔係而家先知下話??
weak7   :  係呀。真係而家你同我講。我先知咋~~
Kelly     :   哇。攪錯呀。你係咪香港人黎架。。

                                         *                           *                             *

又話說weak7聽歌唔聽歌詞。。
好多時要我解比佢聽。隻歌講緊咩。歌詞寫得幾好。。
果日無啦啦聽緊 側田 – 命硬。。

當中有句歌詞  "團圓或者晚了廿個十年.. 仍然未捨棄…"

weak7  :  老婆呀。點解係 "晚了廿個十年" 既??
Kelly    :   因為 "二百年後再一起 應該不怕旁人不服氣" 囉~﹗
weak7  :  哈哈~~ (又笑一餐 -___-"" )
Kelly    :  唔該你聽歌果時。感受下人地既歌詞啦~

                                  *                                   *                                     *

細佬反艇。竟然反應熱烈。。
証明你地幾鬼黑心

好。私人執多幾張。等大家開心下~~

"咁都仲影?? 救左我上黎先啦~~~ "