ROSS。小鞋子

美國有間店叫 "ROSS Dress For Less"。。
入面賣既全部係有牌子既貨品。衫褲鞋襪。手袋手飾。玩具禮品。。
由於以"減價"為名。客路多數係師奶仔。阿叔阿嬸。。
好多後生仔。潮人。都唔願意去。。
要面子嘛。比班friend知道自己同d 阿巫一齊摷野。仲使出黎行既~?﹗
哈哈~~
我榮升師奶。做埋阿媽後。可以到此處尋寶~﹗﹗

唔好以為平野無好野。我講得"尋寶"。梗係有料到。。
weak7雖然唔係後生仔。更加唔係潮人。但係唔會同我去。。
每次我只可偷閒一粒半粒(鐘)。快快手手摷野。。

摷既。多數係比車呔仔。。

記得有一次。weak7好唔願意咁陪我入去買相簿。。
自己行行逛逛。竟然比佢執到件  NIKE Limited Edition 既 zip-up。。
$90 —-> $20
條友即時再摷。仲要我等返佢轉頭 

前排趁weak7剪頭髮。因為大口維salon隔離有間ROSS。又有機會摷野~~

戰況如下。。

計埋呔仔著緊果對 NIKE綠黑色高筒。6對小鞋子。每對 $40 —> $17
紅色vans係專門店買既減價貨。$20

放心。精明既師奶。係唔會6對買埋同一個碼既~

我又唔係好識咩款打咩款。淨係知道有排都唔使買鞋~﹗﹗

同場加映 : 半個鐘前影既相。。