Day5 自由丘.原宿Luke’s。無啦啦東京
好喇。Day 5下半場。離開左築地。其實我地唔知去邊~
想去D新地方行下。諗緊去自由之丘 定 吉祥寺?
有frd話自由丘好行D。好！去！
之前上網睇呢個地方。多小店。舒服的。未黎過呀。又探索下~
築地去都好快到！
一落車凍到呢~~~
出閘留倩影 hahaha
好靚的白樹。好聖誕~
好鐘意日本鐵道~
一出閘行左手面就見到Bake Cheese Tart本店。
以為佢新鮮出爐會係熱食。點知都係凍的。何解日本人都愛凍野 @@
都排左10分鐘~
出面好凍。入面好暖。唔想出返去hahahha
又扮代言人！哼！咪再chok喇衰仔！
影左9萬幾張。經專人喪指導佢後。影到呢張正常的 lol
自由丘好行又好影。下次可以再黎慢慢行~
music : 陳慧嫻。花店 https://www.youtube.com/watch?v=KTadPqtCkFs
寫緊呢度。聽緊下一首”紅茶館”。好正呀好岩feel呀~ 哈！
紅茶館。情深我款款~~~
好！返回現實。見到好多毛毛 hahahaha
表弟睇衫。我琴日買夠了。唔再買喇 (因為已爆@@)
自由丘的確好好hea….
木茶房~
行經鐵道軌。。
之後入左一棟”Tokyu Hands Be”的幾層mall仔。好好味既杏仁豆腐
就係響上面一間雜貨買既hahha 同埋又入左一間賣童裝的
Mother Way。平價的。質地就要揀揀。唔係樣樣靚！
下篇卜影比大家睇我響Mother Way買左咩比呔細~
呢張好鐘意。好秋意~
表弟又搵Royce朱力Pocky~
天暗了。影多張相走人~
沿路行返去搭地鐵~
“差一分鐘天就黑晒！”
“明日似在遙遠 世間正在轉 Do u wanna dance tonight?” (上左腦 haha)
好多小店。。
橫街窄巷。。
愈行愈多。點解頭先唔見既? 而家要走lu~~
拜拜。有機會再黎。家陣要去食Luke’s 龍蝦包~入黑 lu~
我地出左涉谷站。但其實更近 “明治神宮前”站~
但錯有錯著。我地行上去龍蝦包條街。堅得！勁好行！
就係呢條響”明治通”旁靠右邊的街道。呢間好想行呀！
收8點。食完包再行埋其他。到達時收緊檔。下次一定要黎 ^^
成條街都係型牌。仲減緊價。好正囉真係~~~~~~
老公鐘意的。。
一間一間。眼花撩亂~
型仔！
好特別的長街。。
終於黎到。又食到喇開心啦表弟hahahaha
好彩未收檔！lucky~
龍蝦好正。多汁鮮甜！蟹好乾.. 踩左一半。因為我要左半龍蝦半蟹~
係好好食既！^^
特別是好肚餓時 hahahah
就係呢度~ 睇 map仲見到Luke’s響前少少位有餐廳~
食飽飽行街lu~~~
好得意的啄啄糖~
買左包小丸子比呔細~
入去行下女仔衫~
好靚。自拍一張 lol
之後行到The North Face KIDS。減緊7折。買左2件褸比呔細~
好靚呀又夠暖。2件夾埋16800yen ^^
之後行過小物店。買左2隻扮紙碟既膠碟 同碗~
買左枝豆碗 and 沙律碗~
帶住超疲累身驅。返酒店先！
wowow。唔知點執 ……..
9點鐘返到酒店。坐左響度。諗住殺埋落GU幫老公睇野。。
望下個鐘。依?！仲趕得到10點前去庭之湯浸多次喎！
GU可以聽日先去嘛。都係響酒店隔離~
好啦！去浸湯啦！YEAH~~~
拿呢篇卜真係好爆。因為浸溫泉個露天環境真係太有詩意。
講堅！你去一去就知。仲要係夜晚無咩人。仲要係冬天。
即係上半身寒風 + 下半身熱湯。果種舒服法。
我忍唔住吟左首詩…….
樂遊 (何婦 字咖喱)
“何婦婚後忙弄兒 今得夫賜樂遊之
千里迢日盡吃喝 竹映嚴寒熱湯池”
詩人何婦 以7言絕詩 傾訴對迢日與溫泉之慕意。
更藉此詩感謝其夫對之關愛親情~
ok 浸完返歸。飲左支薑奶茶。good wor~
有車到。。
上車 lu。拜拜。何婦下次還是會再黎 ^^
又返酒店開餐。快D食埋佢~
之前買的中拖。做宵夜一流！
小田急地庫超市的好好食。比餐廳的更好食！！食完就喪執野。聽日2點車。好想執好野。就可以10點行到1點半hahha
結果呢晚由3點執到6點天光。訓到10點幾起身。衝埋果幾粒鐘！yeah~
~DAY 5 完~
寫埋聽日”無啦啦東京” 無啦啦完喇！不…..捨……..
本文還沒有回應，快來搶頭香！