Day6 拜拜喇新宿。無啦啦東京
話左東京卜唔責過年。今日你地年廿九喇！
我家陣2am攪完Brandsss D新袋。你地收爐時我開工 hahah
https://www.facebook.com/brandsssbrandsss
逗左利是記得留番D黎幫襯我呀。知唔知呀 um …乖喇！
好。黎到Day 6。2016年1月27日
其實呢日得幾個鐘。我前一晚(可以話頭先)執野執到6點。
訓到10點其實勁唔想起身。但一諗到: 一陣都走喇。唔好訓埋佢掛?！
即刻彈起身！刷牙洗面換衫落樓！！
其實執完野已爆得要命。唔可再買野。但….
今次旅程我有個目的。就係要去GU買呔細睡衣。
因為真係超~~~~~~好著！佢地果D著足2年。洗到殘晒。
我一定要買到！最多hand carry….
7聽到我爆左。已叫我連佢的GU都唔使買。佢話睇過無咩鐘意~
好！呢2個鐘就要買仔衫 & 扭蛋比佢地！1點要返酒店準備起行！
就拜拜喇哥斯拉~
落GU 影比老公睇。佢唔岩。不過岩都無位。太….厚了hahahha
今季GU真係麻麻。無咩減價又無野靚~
此時表弟分頭行。佢想去食鰻魚飯 Lol
見到童裝有清貨。喂真係清緊我想買果d睡衣！！仲有呔細size。太幸運了！
多謝符轆之神再次眷顧。等我臨走都買到心頭好！hahaha
仲要極平。後尾有影我再講解。而定趕住走喇無影~
買左好多。心知不妙。都係早D返酒店pack野。唔係實趕唔到~
多謝好心卜友提醒我樓下機舖有扭蛋！都好多呀！
同埋又好好彩地有晒我之前見過諗住扭比呔細果D。真係興奮喇！！
扭左一大渣。快快上樓執野~~~
上到去。仲有時間。啪埋雪櫃杯朱古力布甸先！
滑到呢~~~~~~
岩岩7仔再掃既！hahaha 堅好飲！
拿本人發明註左冊(除非無註)。此 pack法叫 “SS3S” 新宿3杯湯！
真係無位到咁………
好喇！表弟都返埋黎。走人喇喂~~~~
原本係諗住拖野行去新宿站搭BUS or NEX~
突然比我諗到。喂好似樓下成日見有人等車咁款。
究竟係咪有Shuttle bus去站架呢?
膽粗粗打落樓下問。堅有呀！！！
真係鴻運當頭！你睇我地D野就知……
如果無車。相信要搭的士。根本無法拖行得遠 xDDD
就係搭呢架 we BUS。原來佢係循環線。一直兜成個新宿的~
一陣一落新宿西口站。就直接轉機場巴士。方便到呢~！！
轉眼已上2點10分的Bus。表弟遲我1個鐘飛。佢陪我早D執機場~
我地全程有阿公。家陣分埋用剩既錢先！Hehheee
好乖仔。買左蟹柳飯自己啪….左幾啖然後比表嫂。知我未lunch~
堅好味！可能好餓 XDDD
好喇。話咁快分別了！因佢terminal 2 早我一個站落車。
拜拜喇6月HK見！好多卜友話我張相忍淚。咪玩啦燦眼呀！！
事實係好唔捨得隻表弟仔既。又未到要含淚告別掛 hahaha
我check-in。預左超重。結果黃屍 21點幾 (max 23)。藍拖 26 (超左)
佢叫我拎野出黎。我就轉左藍D野執黃。結果藍超1點幾。佢話今次ok ^^
2袋手提都OK。自己辛苦就OK hahah
手提重到呢。無試過咁想搵車仔推 ……
機場展覽~
推車後非常輕鬆！可再shopping…. yeah!
此時表弟傳來佢又食！！想點呀你！！！
盡人事幫表弟搵Royce 百力支~ 無~
之後一路同香港條女whatsapp…
夠鐘登機了。仍然喪傾勁同四圍試人地D 綠茶！wakakaka
仲夠膽死望下風景。回味下今次旅程先！
結果拖到人地舉牌趕人。我心裡響起 …..
“下班機 登機証怕已無效…”
好啦。上機啦。返屋企啦。其實…
而家扮肚痾唔上。唔知下班機上唔上得架呢? haha
2餐都好好食！好正呀ANA~!!
而餐與餐之間的所有時間。我係完全昏睡…..
都話左。有了呔細後。我諗我搭40個鐘飛機都無問題。堅渴睡架！
(而表弟事後亦表示: 班機未起飛佢已訓著了 xDDDDDD)
拿我講你地聽又話我符轆架喇 (無7響身邊係”人頭馬一開”架！ hahahha)
話說本人一早訂左位係最後排2人位其一啦。
之後飛東京時見到隔離4人果D中間好多無人喎。勁爽架嘛！
我咪調左自己去3人座隔離無人果 D囉！諗住搏一搏。無頻撲！
點知今次班機爆晒！我都覺 ON居架喇。
原本只比1人挎過。而家要比2人。仲迫添！
仲要坐window條鬼佬好嘈。睇電視笑出聲架喎 @@~！又喪咳！
我坐路口叫好D。中間條女幾痛苦。即戴口罩….
我有少少為左救佢。又自救啦！問空姐後面有無位。想調~
老老豆豆我咁既狀態。佢敢笑醒我我實黎手彈爆佢個headphone 哈哈！
就響空姐同我講後面無位之際。符轆之神來了~~~
我隔離前少少中間2個男仔竟然調走左。
我即刻問空姐可否調過去?
佢話OK呀。因為有個mon壞左佢地調位。
無問題我只想訓覺。唔睇電視架我。真係fit晒！
結果我坐左去中間果排。而我個mon係正常的。而我右手邊係無人的！
發達喇！我本身就係想咁！訓得幾鬆動呀對腳又可以差過隔離！
(真係要仰天大笑 哇哈哈哈！哇哈哈哈！先能夠表達到我當時心情)
OK。訓醒化身 樂基兒(我知 落機兒 呢個gag真係爛得好緊要…Lol)
我都唔想返黎。唔好welcom我啦….
我一個人的….比人搜袋係正常~老公接我返屋企。之後surprise呔仔細細。因佢話比仔聽我夜晚先返。
我先接細細。佢星期3放早D。之後再等呔仔返屋企~
果時就真係眼濕濕喇！仔呀仔。命呀命~~~
細細驚喜片 : https://www.youtube.com/watch?v=KEGf-nPp75c
呔仔驚喜片 : https://www.youtube.com/watch?v=hxI9WiMxULg
更多佢地細個youtube可搜尋 TylerTheBaby
好。講埋佢地D衫先！330am喇而家…..ZZzZZZzzzz
上面3件褸。2 NorthFace 紅格仔係Beams
中間就係琴日講 MOTHER WAY買既。
左邊風褸入面fleece。好輕身好暖。1950yen
隔離3件都係 Fleece外套。有JR款。好靚呀！都係 1290 – 1490yen。超抵！
最低就係GU我講既睡衣喇！左邊間條Fleece超好著。減緊390yen咋。
我買左6件。之後一set果D PJ全棉。返學都得。買左6 set 790yen each！
去GU見到必掃！好好著！！
拿。好多人想知我買左咩可以移居咁款返黎。。
係囉呢D囉…..哈哈！ 唔好以為好多喎。清晒咁滯啦已經！
有至少8家朋友的手信。每家分3-4包野。其實呢度都無左一半。
加上呔細食零食唔係人咁品 (我知我都係 …) 好快無晒 Lol
黎到東京卜尾聲喇！呢張係第朝一早送仔返學！
我打回原形。做返一條師奶仔。拜拜lu~ 多謝大家呢排密密睇。希望你地享受呢段追卜的日子啦 ^^
聽日大年初一。新年進步呀。身體健康呀！
呢排咁開心。我都要努力寫多D卜先得！！
~無啦啦東京。無啦啦。完~
希望未來有更多的卜睇…XD