如何對抗產後抑鬱。。
做左人媽咪。知道陀左9個月既辛苦。順利生得出個健健康康既BB果種喜悅。。
如果因為 "產後抑鬱" 而釀成悲劇。絕對係唔值得。。
我個人覺得。產後抑鬱一半係受荷爾蒙影響。。
另一半。就係個老公 同 家人既體諒照顧。。
當然。你問個老婆有無產後抑鬱。佢會答無。。
正如醉酒佬勁話自己清醒一樣。。
大家應該留意佢既心情 同 行為有無異樣。。
(拿﹗﹗ 我個樣係神神地。但我無。我真係無~~~ 
)
老婆生完BB。受咁大刺激 (痛楚 + 喜悅)。情緒唔穩定好正常。。
喜悅過後。見到連自己都認唔出既豬頭 + 豬身。情緒低落亦唔出奇。。
不過。所有唔好既野會響幾個月之內消失。。
如果補得好既話。信我。媽媽們係會靚過未生之前既。。
(我上次返香港全程無化妝架﹗個樣同面色真係精神過未生之前~ )
咁頭果幾個月。點可以安全渡過??
老公就可以幫好大既忙喇﹗﹗
答案就係 : 就晒佢 同埋 講大話
我唔係為老婆們謀福利。借D倚揾D老公笨架﹗﹗
個老婆陀完生完咁辛苦。事事就晒佢。錫晒佢就梗架啦~~~
但係講大話都好重要架﹗﹗
當個老婆響度發牢騷。話自己個樣勁衰。個肚仲係好似5個月咁大。又鬆喎。。
呢個時候。老公就要識講大話喇﹗﹗
話個老婆仲好靚啦。話好快會變返以前咁。話無論佢變成點。你都係咁愛佢啦~
佢會信架﹗呢個時候老公講咩。老婆都信架啦~~
除左老公要細心。關心個老婆之外。。
屋企人都要盡量配合。。
我知好多時老人家比既意見係出自關心。。
不過新抱/個女生完仔。梗係唔想成日比人哦哦哦架啦。。
所以果D咩
"""坐月唔准出街。唔好洗頭沖涼。唔好食生冷野。唔好呢樣果樣。。。""
呢D咁既"唐人野"。除左我地中國人之外。無一個國家會係咁做 -___-""
食魚生啦。食雪糕啦。飲凍野啦。鐘意食咩咪食咩囉。。
捱左咁耐仲唔夠皮咩??
由得佢啦﹗﹗呢個時候最緊要佢覺得開心~~
好過佢鬱埋鬱埋。諗唔開一陣變左抑鬱症就大鑊架喇~~
至於我自己D變態野。。
我都係近排回想起。先覺得果時有可能係產後抑鬱。。
樂觀如我。都會受到荷爾蒙水平急降既影響。發下神經。。
例子一 : 生完呔仔我唔可以離開佢一分半秒。開大開細又好。沖涼又好。
我都9秒9快手攪掂。要出去攬返個仔。。
例子二 : 每當我沖完涼出去。知道唔係weak7抱住呔仔。我就會好忟憎。
會怪佢做咩唔抱個仔。覺得淨係我同weak7先可以抱呔仔。。
例三 : weak7一上網我就忟。就算只係執相寫卜。我都好忟憎。
直情想關左個卜佢﹗﹗
例四 : 見到weak7食飯。佢唔知我未食。我突然覺得自己好可憐。
忍唔住喊。。
當時仲有好多奇怪既思想。。
而家諗返起。真係好多謝我老公同老爺奶奶。事事遷就我。無啦啦比我出氣。。
當自己變返人樣。個鼻尖返。著得返晒以前 d老牛。。
然後個BB又愈來愈肥。愈來愈得意。。
低落既情緒。就會一掃而空架喇~~
各位媽媽。思想要正面呀﹗
黑暗既日子好快過去。美好既時光又來臨啦~~