Spaghetti~O!!
未嫁之前。當然唔使我煮啦。。
到嫁左喇。就有老爺奶奶煮。。
終於。由呔仔開始食固體。就開始左我既"廚房生涯"喇。。
真係唔知點解。佢地兩個既野我執得好正。。
自己唔食唔緊要。最緊要佢兩個有飯開。。
我係果D…比佢地食多兩餐街外野會內疚既人。。
太油。太咸了。大人食完都口渴。何況小朋友。。
我係零廚藝的。所有野都係原味。清蒸。無油少鹽。。
好多時都唔落鹽的。因為覺得佢地既小食已經夠足sodium (e.g 芝士)。。
蒸肉蒸菜煲爛飯。係我每朝早都做既事。。
幸運地。佢地都好肯食我煮既"無味飯"。中午晚上各一大兜。。
鐘唔鐘意就唔知喇。。
無辦法。媽媽唔識下廚。係無咩口福架喇。。
除左菜肉飯。間唔中會整粉麵。。
都係白霎。加芝士調味。。
果朝又諗住蒸牛肉餅。無啦啦見到有罐金寶茄湯。。
好﹗不如試下整茄汁肉丸意粉啦~~~
原來係好容易整架咋。煮傑少少茄湯。用匙一粒粒咁"不"D肉落去。好快熟。。
撈意粉就食得。yeah~~~
兩隻野食得好開心。第一次覺得好有滿足感~ 呵~~
為左兩隻仔有啖好食。我會努力架喇~﹗﹗
呔 : 好好食﹗ (真實對白)
"唔~ D牛肉丸好有牛肉味~﹗" (設計對白)
細細鐘意自己渣叉食野。叻~﹗﹗
兩個一齊開餐去~
細細比較幸運。咁快可以食好味野。。
哥哥就由細"無味"到大。而家先開始食下"有味"野~ 哈~~
爸爸訓醒。將細細調到前排坐。方便影相~
細細好比心機咁"吉"~
最後都係用手方便 (留意細細"尾指天線"" 同媽媽一樣的~ 哈~~)
哥哥食到烏晒咀。。
細細又電人喇~~~~~~
YUMMY~~
爸爸引細細。。
電視撈粉。。
滿足地笑。。
哥哥真可愛。。
細細 : "爸爸影夠未呀。咪阻住食粉啦~~~"
呔 : 哦﹗仲影~~﹗
細 : 收你相機丫拿~﹗
食得幾得戚~﹗﹗
哥哥又出招~~~
最後媽媽都係一人餵左細碗飯。。
唔知點解我覺得係要食碗飯先夠照。哈~~
咁你地平時除左飯。仲會整D咩比小朋友食呢??
等我有得跟下都好丫。唔該晒~~~
煮下粥仔!
呔媽,你既煮法好健康呀!!!
好欣賞咁喎
你可以煮下長通粉,又係同你上面做法差不多,佢地又易食d喎,唔駛食到成身係個下爽呀嘛!!!
法國医生都係建議3歲前都係食無味野對腸胃好的架,我朋友蒸 potato, carrot, pumpkin再加一丁小塊牛仔肉比佢地食, 千其唔好食咁多罐頭,有防腐劑, 用新, 鮮蕃茄整汁, 食完正歺食一小杯 baby youghurt, (Baby Swiss)
就算下午食餅干snack,都係冇盬冇糖架!
My son is the same way because of his ecezma.
In fact, he doesn't like food with a lot of favor in it. He hates hotdog, which is weird for a 2-year-old.
試o下栗米火腿烏冬蒸蛋. 我仔好鐘意食.
1. 水滾落烏冬, 烏冬發散就整起d 烏冬, 剪短.
2. 栗米粒同熱水沖一沖
3. 火腿切粒
4. 發散兩隻蛋. 落dd 鹽調味.
5. 將(1-4)放落有dd深度o既碟, 中細火蒸大約8分鐘.
加蛋一齊蒸係因為小朋友容易d "北" o黎食, 唔會食得咁 "呢hea".