功課。睡袋後記
多得咁多位卜友大力支持。我諗第時我就算揾唔到食。。
你地都會落ORDER買我既睡袋。接濟我。。哈哈~~~
"好心啦。福心啦。快D黎買我呢個乞兒睡袋啦~
傻豬Baby 話訂1000個~ 呢位卜友受左D咩打擊? 唔怕講喎~
Yayalily問呢件野賣幾錢。。
阿四 又問 Waiting List 要等幾耐。。
""唉呀~ 你地真係氹到人地鬼死咁開心架啫~~ " (怡紅院 大姑娘語氣)
既然你地咁有興趣。不如先投資$$$$$$落我度。。
等我第時成左名囉~ 大家就有錢賺。正所謂有錢就齊齊揾丫嘛~~~
**名額有限。頭十名免報名費**
好喇。講返件野。今日車左條前中拉錬蓋 (貼住果種呢~)。再加埋內袋。。
完成了~~
頭先幾驚嚇呀。車車下。部機好大聲"轟轟轟"。之後停左。。
我又轉唔返枝針上黎。原來。車到D硬野(拉錬)食死左。。
我夾硬扯佢上黎。枝針鬈埋。。
之後換左針都唔得。原來車床都歪了。。
我研究左好耐。最後用暴力攪掂左﹗
哈哈~ 嚇死。未車內袋架嘛﹗
星期一去左Field Trip。去一間叫 Thai Silk既Fabric Store。。
都估到係D官商鈎結既活動。
即係老師個Frd係果度做。帶我地去買野咁囉。。
阿Nat 8點黎接我。揸左九個字入去。店員講左十零分鐘野。。
之後就係Shopping Time喇。。
本身無諗住做水魚既。不過問下問下。好似話平過出面少少。。
咁遠黎到。咪睇下有咩岩囉。。
唔睇由自可。一睇。又忍唔到手。。
"布呀布。布呀布。。"
最後買左呢三隻色既Dupioni Silk。每色2碼。多謝 $79.40。。
咁貴既物料。我同自己講。在5月既 Fashion Show上。要做得好好睇睇﹗﹗﹗
事後發現。我成日去。隔幾條街果間布舖。都有呢種布。仲平1 蚊雞一碼﹗﹗
"XYZ$%*@#$!!!"
呢兩日講開阿Nat。大家似乎對佢無咩認識。。
其實佢就係我一個好好既鬼妹同學。。
我地同左幾個學期堂。大家就愈來愈熟喇。。
其實好多讀呢科既鬼妹都自認潮人。態度極度高傲。。
初時上畫紙樣堂。無咩人騷我。但阿Nat就主動同我傾計。。
最後D人發現我畫紙樣叻。就開始痴埋黎。抄我D野。或者叫我教佢地。。
先有其他人同我講野。不過好假囉。。
其實我唔係叻。只係佢地蠢。講極都唔明。又無common sense。。
呢個世界就係咁現實架喇。。
我讀左呢科咁耐。完全無問過人點去做一份功課。。
因為我係唐人。你未出聲。人地個樣已經叫你唔好過黎。。
所以我從來都係自己解決問題﹗﹗
有時我同人say Hi。人地當聽唔到。完全唔望你。。
所以我好珍惜阿Nat呢個朋友。佢令我覺得好溫暖啦~~
上年5月Fashion Show時既合照。。
你返香港時有無去深水 "步" 呀?好多做/讀design的都會去買布咖!
[版主回覆02/28/2008 14:39:00]我知呀。我以前在香港做野時都成日去揾料。。 我知呢種布在香港約40蚊一碼。。 呢度圍返成舊水呀。不過當時又未知自己會整咩。 好難買定架嘛~~ 唉。。無法啦~~
冇錯, 去到唔係自己既地方, 真係要自食其力
乜都要靠自己, 唔係D人實睇低你! 仲要係中國人TIM!
加油!
[版主回覆02/28/2008 15:40:00]係呀。如果你叻既有料既。除左為自己爭啖氣。 更加為中國人爭光架﹗﹗﹗ 有時做得好。missy 讚。都幾有呢種感覺~~
yeah~ ~ 第3位
[版主回覆02/28/2008 15:41:00]死婆。你係咪第三個投資者?? 快d磅水﹗﹗﹗﹗
YAYA~仲報得切~第4個~~ 我都覺得你車d野好靚又有創意bor~!!
[版主回覆02/28/2008 17:22:00]哈哈~ 謝謝呀~~ 報名啦報名啦。。 ""睡袋黨又多一個人入局" 嘿嘿嘿~~
YEAH! 我係 第5位 啦 咁! "佢地蠢。講極都唔明。又無common sense。。" 外國人,講句野,行步路,食餐飯都慢d架啦!
[版主回覆02/28/2008 17:25:00]真係可能社會風氣唔同。。 D外國人。咩都有政府保住。攪到個人無晒腦。。 因為就算無才能。一畢業出黎都揾3﹐4千一個月。。 我地就唔同。英文係差少少。但就要努力百倍。 先有人賞識。。唉。。最憎美國﹗﹗﹗
嘩!乜你以前咁慘架, 無人睬,無人理, 仲要同人say hi當聽唔到, 咁你果時咪好唔開心囉?
[版主回覆02/28/2008 17:27:00]第一個反應一定會唔開心。同老公呻囉唯有。。 之後都無主動同人打招呼喇。各自為政啦~ 又無話十分唔開心既。知佢係點咪好囉。慳返﹗ 寧可人負我。我就好少負人既~~ 哈哈~~~
$80美金六碼布, 好貴丫!! 香港會唔會平好多?
[版主回覆02/28/2008 17:28:00]勁貴啦。成品都買到幾件喇。。 香港平好多。但布既野。好難叫人買得岩。。 寄過黎又係錢。。
我仲係十名之內,我响深水埗度做嫁,幫你入d貨丫 ~~~ 唔使客氣喎 ~~ 幫你入貨,當比錢你投資,都幾化算啦 ~~
[版主回覆02/28/2008 17:30:00]多謝晒你既好意啦~~ 不過好難托人買布。又唔知岩唔岩心水。又想自己選COLOR。 哈~ 你在深水埗做布架???
過黎浦下先…
嘩..仲趕得切落 叠..
[版主回覆02/28/2008 17:31:00]快D磅水。如果唔係個位比左人架喇~~ 唔呃你既。賺硬架﹗﹗
嘩! 好彩趕得切做第10位!!!
kelly, 你千祈要爭氣, 唔好輸俾嗰d白鴿眼嘅死鬼同學 !!
但係就要好好treasure你同阿Nat嘅友誼啦!!
[版主回覆02/29/2008 03:26:00]無錯呀。其實而家就好d囉。因為同果班友已經幾個sem一齊。 見慣晒。都無咩特別了 (仍然無兩句架~) 好啦。你你第10位。快d磅水keep住個位啦~~ $$$$$