功課。睡袋後記
多得咁多位卜友大力支持。我諗第時我就算揾唔到食。。
你地都會落ORDER買我既睡袋。接濟我。。哈哈~~~
"好心啦。福心啦。快D黎買我呢個乞兒睡袋啦~
傻豬Baby 話訂1000個~ 呢位卜友受左D咩打擊? 唔怕講喎~
Yayalily問呢件野賣幾錢。。
阿四 又問 Waiting List 要等幾耐。。
""唉呀~ 你地真係氹到人地鬼死咁開心架啫~~ " (怡紅院 大姑娘語氣)
既然你地咁有興趣。不如先投資$$$$$$落我度。。
等我第時成左名囉~ 大家就有錢賺。正所謂有錢就齊齊揾丫嘛~~~
**名額有限。頭十名免報名費**
好喇。講返件野。今日車左條前中拉錬蓋 (貼住果種呢~)。再加埋內袋。。
完成了~~
頭先幾驚嚇呀。車車下。部機好大聲"轟轟轟"。之後停左。。
我又轉唔返枝針上黎。原來。車到D硬野(拉錬)食死左。。
我夾硬扯佢上黎。枝針鬈埋。。
之後換左針都唔得。原來車床都歪了。。
我研究左好耐。最後用暴力攪掂左﹗
哈哈~ 嚇死。未車內袋架嘛﹗
星期一去左Field Trip。去一間叫 Thai Silk既Fabric Store。。
都估到係D官商鈎結既活動。
即係老師個Frd係果度做。帶我地去買野咁囉。。
阿Nat 8點黎接我。揸左九個字入去。店員講左十零分鐘野。。
之後就係Shopping Time喇。。
本身無諗住做水魚既。不過問下問下。好似話平過出面少少。。
咁遠黎到。咪睇下有咩岩囉。。
唔睇由自可。一睇。又忍唔到手。。
"布呀布。布呀布。。"
最後買左呢三隻色既Dupioni Silk。每色2碼。多謝 $79.40。。
咁貴既物料。我同自己講。在5月既 Fashion Show上。要做得好好睇睇﹗﹗﹗
事後發現。我成日去。隔幾條街果間布舖。都有呢種布。仲平1 蚊雞一碼﹗﹗
"XYZ$%*@#$!!!"
呢兩日講開阿Nat。大家似乎對佢無咩認識。。
其實佢就係我一個好好既鬼妹同學。。
我地同左幾個學期堂。大家就愈來愈熟喇。。
其實好多讀呢科既鬼妹都自認潮人。態度極度高傲。。
初時上畫紙樣堂。無咩人騷我。但阿Nat就主動同我傾計。。
最後D人發現我畫紙樣叻。就開始痴埋黎。抄我D野。或者叫我教佢地。。
先有其他人同我講野。不過好假囉。。
其實我唔係叻。只係佢地蠢。講極都唔明。又無common sense。。
呢個世界就係咁現實架喇。。
我讀左呢科咁耐。完全無問過人點去做一份功課。。
因為我係唐人。你未出聲。人地個樣已經叫你唔好過黎。。
所以我從來都係自己解決問題﹗﹗
有時我同人say Hi。人地當聽唔到。完全唔望你。。
所以我好珍惜阿Nat呢個朋友。佢令我覺得好溫暖啦~~
上年5月Fashion Show時既合照。。
有d似雪褸呀…
妳個design好實用咁!掂掂掂!
我鍾意d內袋,夠實用!
[版主回覆02/29/2008 03:29:00]無呀。如果真係整左出黎。著去滑雪幾好喎。。 成個人笠住sir落黎呀﹗﹗ 哈哈~~~ 不如直情後面加塊小型雪板~ 正喎﹗﹗﹗
天 氣 再 度 轉 冷 記 得 要 添 衣 喔 大 家 都 要 小 心 唔 好 病 倒 ar
[版主回覆02/29/2008 03:29:00]多謝多謝~~
係呀,我公司專做cotton 布,都有做下d毛料呀果d啦~~~
[版主回覆02/29/2008 03:32:00]哦。。都幾好喎。。 做布行辛苦嘛??
阿NAT 有啲靚太唔易做的某個女主角
你件嘢真係幾靚喎, 車埋啲detail 位仲靚
有啲似太空褸feel 添呀
[版主回覆02/29/2008 03:33:00]係呀。車左出黎又幾好。。 岩岩車時一PAT野咁。我覺得有點肉酸~~ 哈哈~~
我做唔到頭10位 無得發達啦 kelly 你出左名我一定同你落order, 記住比番個discount 我呀
[版主回覆02/29/2008 03:35:00]出左名先落ORDER?? 到時就好貴架喇~ 拿。你出左錢先﹗ 我地送返超市COUPON比你。 當減返報名費~~ 係咪好 SO先?? 快D磅$$$$$啦~~~
我d friend 都話向美國會受人歧視咁呢 我又唔覺我會wor…
[版主回覆02/29/2008 03:37:00]其實一直都無咩既。係讀左呢科之後先發現既。 你知啦。d人讀fashion design就好似自己好勁咁。 又鐘意同人比較。其實香港d人讀fashion都係咁架。 好似好型咁。。其實咪又係一樣~~
人夾人緣嘛~~~ 不過有時有啲外國人嘅態度真係好黑人憎… 我以前都遇過…… 好彩仲有個好人陪你……
[版主回覆02/29/2008 03:46:00]係呀。呢個朋友都同過我好多堂。。 另外仲有幾個都幾frd。一個中國女人。 一個黑妹。一個混血VITENAM仔。。 呢幾個好好架。見親都雞啄唔斷。。哈~~
哎呀!遲咗黎搶唔到第十位添,嗚嗚嗚嗚
要比幾錢報名費呀
識到你呢個為華人增光嘅扑友仔,好光榮呀
睡袋呢家野真係好實用! 有冇其他顏色可以選擇呀!! 絕對岩哂0係屋企訓住睡袋睇電視, 唔駛拎住張被!! (岩哂我呢個懶人)
過晒添
有冇得加名額呀