功課。睡袋後記
多得咁多位卜友大力支持。我諗第時我就算揾唔到食。。
你地都會落ORDER買我既睡袋。接濟我。。哈哈~~~
"好心啦。福心啦。快D黎買我呢個乞兒睡袋啦~
傻豬Baby 話訂1000個~ 呢位卜友受左D咩打擊? 唔怕講喎~
Yayalily問呢件野賣幾錢。。
阿四 又問 Waiting List 要等幾耐。。
""唉呀~ 你地真係氹到人地鬼死咁開心架啫~~ " (怡紅院 大姑娘語氣)
既然你地咁有興趣。不如先投資$$$$$$落我度。。
等我第時成左名囉~ 大家就有錢賺。正所謂有錢就齊齊揾丫嘛~~~
**名額有限。頭十名免報名費**
好喇。講返件野。今日車左條前中拉錬蓋 (貼住果種呢~)。再加埋內袋。。
完成了~~
頭先幾驚嚇呀。車車下。部機好大聲"轟轟轟"。之後停左。。
我又轉唔返枝針上黎。原來。車到D硬野(拉錬)食死左。。
我夾硬扯佢上黎。枝針鬈埋。。
之後換左針都唔得。原來車床都歪了。。
我研究左好耐。最後用暴力攪掂左﹗
哈哈~ 嚇死。未車內袋架嘛﹗
星期一去左Field Trip。去一間叫 Thai Silk既Fabric Store。。
都估到係D官商鈎結既活動。
即係老師個Frd係果度做。帶我地去買野咁囉。。
阿Nat 8點黎接我。揸左九個字入去。店員講左十零分鐘野。。
之後就係Shopping Time喇。。
本身無諗住做水魚既。不過問下問下。好似話平過出面少少。。
咁遠黎到。咪睇下有咩岩囉。。
唔睇由自可。一睇。又忍唔到手。。
"布呀布。布呀布。。"
最後買左呢三隻色既Dupioni Silk。每色2碼。多謝 $79.40。。
咁貴既物料。我同自己講。在5月既 Fashion Show上。要做得好好睇睇﹗﹗﹗
事後發現。我成日去。隔幾條街果間布舖。都有呢種布。仲平1 蚊雞一碼﹗﹗
"XYZ$%*@#$!!!"
呢兩日講開阿Nat。大家似乎對佢無咩認識。。
其實佢就係我一個好好既鬼妹同學。。
我地同左幾個學期堂。大家就愈來愈熟喇。。
其實好多讀呢科既鬼妹都自認潮人。態度極度高傲。。
初時上畫紙樣堂。無咩人騷我。但阿Nat就主動同我傾計。。
最後D人發現我畫紙樣叻。就開始痴埋黎。抄我D野。或者叫我教佢地。。
先有其他人同我講野。不過好假囉。。
其實我唔係叻。只係佢地蠢。講極都唔明。又無common sense。。
呢個世界就係咁現實架喇。。
我讀左呢科咁耐。完全無問過人點去做一份功課。。
因為我係唐人。你未出聲。人地個樣已經叫你唔好過黎。。
所以我從來都係自己解決問題﹗﹗
有時我同人say Hi。人地當聽唔到。完全唔望你。。
所以我好珍惜阿Nat呢個朋友。佢令我覺得好溫暖啦~~
上年5月Fashion Show時既合照。。
首先, 我係想投資落你個樹架, 不過有一個好大既風險, 就係你唔知幾時會有baby, 你唔係話一有baby就會好似柏芝咁, 放棄事業而專心湊仔咩? 咁真係有收山既危機!! haha….. 另外, 我都知有好多人會排華架啦, 都聽唔少, 不過你都真係睇得好開同埋識諗, "讚"!! 令我諗爆頭都估唔倒你幾多歲, 有時又有d "天真", 有時諗野又成熟!! 真係估你唔倒!!
[版主回覆02/29/2008 10:39:00]哇﹗﹗﹗ 你而家講出左呢個危機。 仲有人落疊既????? 唔理呀。你要賠賞我既損失呀﹗﹗ 哈哈~ 唔通我好天真好傻?? 不過我而家已經長大喇~~
雖則就話好多野都要人際關係~不過有時,我又覺得~
人地點樣你控制唔到~最重要係做好自己~
加油呀~為港增光~
[版主回覆02/29/2008 10:43:00]係啦。人地要點諗我都無辦法。。 以前在香港時。無論讀書or做野。我好易同人傾得埋。。 不過始終唔同culture。當然係好難夾。。
hello~ 實在太欣賞你 0 既 design, 我都好想擁有佢 … 繼續努力 , 為華人增光 , yeah~~~
[版主回覆02/29/2008 10:44:00]知道﹗﹗ 我會努力做架喇﹗﹗ 為華人爭光~ 講到咁大?? 哈哈~~
吓!阿Nat同你同年(81年), 唔係啩! 咁我哋真係要興恨自己生為中國人啦! (第一次感覺都生為中國人驕傲!)
[版主回覆02/29/2008 10:48:00]係呀。因為鬼妹一般都好早熟。在班上。 其實好多都21-22左右。佢地係正常年紀畢業。 我都遲左4年喇。哈哈~~ 但班中我望落去無咩鬼妹樣我覺得係22既。。 個個都廿到尾巴樣。但其實就好young。。 可能佢地由細到大都化妝。更顯得老成。。
Kelly,你的作品好有水準喎!
幾時畢業呀?畢業後,係美國容唔容易揾工呀?
你不喜歡美國,會否回流香港呢?
不過生活在香港的大人和小孩都很大壓力,大人為工作,小孩為讀書.現在香港的教育和以前唔同,一d都唔輕鬆.我就常常為功課與女兒鬧得不愉快!
[版主回覆03/01/2008 06:25:00]唉呀。我都有聽朋友講過。教仔女做功課真係一件激心既事﹗ 要好比耐性呀~~ 唔好不愉快啦~~ 小朋友係好心散既~~ 多謝你稱讚呀﹗ 其實係你地過獎喇~~ 我6月就畢業喇。都會在三藩市揾工。無計啦。 老公份工好stable。基本上會做到退休架喇。 所以都唔會回流。。 係唔鐘意呢度。唯有每年返下香港啦~ 我地既目標係50歲左右就退休。返香港嘆喇~~ 哈哈~~ 我都個香港大壓力。我早兩年返去做野。都頂唔順。 所以其實唔回流都好既。小朋友。就算讀唔到書。 在呢方都輕易大學畢業。。 出路比較好囉。。
呵呵,一餐魚生飯就可以投資落你呢個咁有創意嘅設計師身上,抵呀
[版主回覆03/01/2008 06:27:00]哈哈~ 魚生飯只係報名費咋﹗﹗ 都未係投資"睡袋黨"既正式開始﹗﹗﹗ 嘿嘿嘿~~
有野玩呀...過黎吖~~~
[版主回覆03/01/2008 06:27:00]去左~
嘩..你d design真係好得呀…繼續努力呢…
[版主回覆03/01/2008 06:28:00]多謝呀﹗ 我會努力架喇﹗﹗
如果加埋對睡"鞋" 咁既野, 係屋企隨時訓著呀, 好舒服呀~~~~
[版主回覆03/01/2008 06:29:00]係囉。我琴晚都同老公講。話袋住自己黎睇電視。 寒冷天氣中。真係一流呀﹗﹗
好彩我都遇到好NICE既鬼妹同學,不過佢地真係好貪靚囉!
[版主回覆03/01/2008 06:30:00]係呀。我諗落街買份報紙都執正呀﹗﹗ 哈~~