功課。Homeless睡袋
用左兩日時間。喱埋係屋企但車呀車。車呀車。。
條腰痛到呢~~~~~ 因為我全程係坐在地上。部車衣亦放在地上。。
因由件野太大。根本唔可以放上臺車(怕車歪左唔知)。唯有一直烏低做。。
今次呢份功課係兩個人一組。做一件Functional Garment。。
我同阿Nat就諗住做一件野比Homeless。可以平時著。夜晚就變睡袋週街訓。。
我地在學校講左大概點設計。我就開始做。。
本身應該兩個人一齊做既。不過其實一個人做仲快。。
係辛苦D。不過兩個人點一齊車啫~?? 唔通佢等我車完。我又等佢車下咁咩。。
其實呢份功課除左設計。車工之外。仲有好多野做既。。
例如係要做一份statement。要做埋reserach既。。
要講用咩布料啦。點解啦。要做Spec Sheet & Cost Sheet啦。。
呢D都係我最憎既項目。。
不過由於件野係我整既。所以。我就要負責埋Spec & Cost囉。。
好啦。比大家睇下我呢兩日既成果啦。粗粗地。又係要用muslin。。
老公話訓入去好唔老黎喎~ 哈哈~ 我都覺。我諗到時用返防水布應該會好D~
一開始。就諗要用夾綿既料做BODY。要舒服。保暖~
但。原來自己夾綿係十分煩既事。夾左我幾個鐘呀﹗﹗
家用衣車塞唔落。勁難車﹗﹗
畫左D圈圈。要車左佢。係用來防止D綿走位。。
終於車左一塊類似棉被既物體~ Yeah﹗﹗
張紙係我隻袖呀。由於drape唔到上公仔。所以要畫紙樣。。
決定做牛角袖。因為多D活動空間。。
併左埋去剪走D布。開始車個領位。。
車好對袖。點知車錯左一邊。要拆過再車。。
配左一塊好大既布。做一個笠落黎既效果。。
等個人訓覺時有Privacy。"你睇我唔到。你睇我唔到~~
"
自己訓低。預下個位先﹗﹗
預左位。就在帽布兩邊整左個索繩detail。一索變帽﹗﹗
再在上面用mesh整一個開得既位。要黎睇野。又或者抖氣。。
Homeless都要知天光未架嘛﹗天光人地開店就要閃架喇~ 哈~
做左一個Attached Gloves。可以收入去袖入面。又可以套住手。。
再加一個類似Pillow既野在頸位。十分舒服啦~~ 哈~~
加左D麼貼在帽上同埋左右胸位。塊布咁長。日頭可以收埋變帽。
夜晚就笠落黎。貼住胸位兩邊。唔會吹起比人見到個樣。。
加埋拉錬~ 差不多喇~
件野可以褶左入去 (內有麼術貼)。變成長褸。日頭就方便行動。。
夜送晚訓交豬。就放落黎。索左衫腳條繩。關左個口。笠埋個頭。大覺訓﹗﹗
點呢~ 你地帶無興趣買返件看門口。比D衰佬訓廳時用都得架﹗
訓街。去Camp。去流浪。真係送禮自用既必備佳品﹗﹗
Hello~
睇左你日記好耐, 第一次留言呀~
好中意你既設計, 夠實用呀! 哈哈哈
以前中學都有家政堂… 要我車野真係救命呀…所以覺得你好叻呀~
得閒來我個卜啦~歡迎呀
[版主回覆02/27/2008 10:53:00]歡迎呀~ 我最叻都係整衫。無咩特別技能呀~ 哈哈。。 每個人都有野叻既。唔好讚壞我啊~~ 好。 一定去你度睇睇~
嘩, 你真係咩都諗倒出黎, 小姐, 賣幾錢呀? 我都想買返件第時比個佬不時之需呀!! haha…. P.S.: 係喎, 其實點解你結婚個陣自己唔做一件婚紗 or 晚裝比自己著既?
[版主回覆02/27/2008 11:12:00]你要既話。請於6月時落痾打啦~ 哈哈~ 因為到時我畢左業。應該會好得閒整~ 幾錢就睇你想用咩料啦。有平有貴。。 我結婚果時。都想架。不過當時考緊Final。又趕住返香港。。 返到去更加無時間啦。。哈哈~~~
勁…… 何太雖則煮唔到一手好餸, 但車得一手好衫都係賢妻良母既必要條件 恭喜你又邁進一大步嘞, 第時會唔會車bb衫比你個寶貝呀
你個design 確係實用又時尚喎, 的確係good 比5粒星啦
[版主回覆02/27/2008 11:14:00]都會車比佢著呀。但已經有朋友offer BB衫仔。 應該無咩需要。。大個D先車比佢啦。BB大得快。哈哈~~ 多謝多謝~ 我會努力架喇~~
件成品實係留番比weak7再叫你搵野做時趕佢出街用啦, 啱哂
[版主回覆02/27/2008 11:16:00]哈~ 我驚係我下次喊住要搬落樓下花糟時。 離家出走。自己著返~~ 哈哈~~
係喎, 好似你個可能性大D
[版主回覆02/28/2008 04:54:00]無錯。你知我keep住都話要走架嘛~ 都係留返比自己用﹗﹗ 哈~~
嘩..你整得好靚呀…你應該果d好鍾意上家政堂既人黎呢…我好怕車野既…我次次用衣車車野就會覺得一定會車到手指.嘻
你個睡袋好正呀…真係岩晒俾weak7訓廳時用呢…哈
[版主回覆02/28/2008 04:56:00]係呀。不過家政有兩科。我唔鐘意煮野食~ 哈~ 衣車點會車到手指架? 都放唔落。唔使怕喎~~ 不過我上次擺隻手指埋得滯。舊野打落黎。 亨爆左我半隻水晶甲。裂左。。哈哈~~
好勁呀你~ 你用一日就車哂?! 以前我中學要車野, 我都係拎出去俾人車架…(勁狗) 因為自己車到咁上下就攪唔掂!!
[版主回覆02/28/2008 04:58:00]唔係呀。都烏左兩日架。。 拎出去比人車。我最怕係返到黎唔岩心水。 又長又短咁。自己又要改一輪。。
買咗部brother, 我依架都未開始車嘢ah. 十幾年冇點la, 唔知又邊度開始. 如果有妳十分之一嘅功力就好啦! 我就唔使望住本說明書車嘢la.
[版主回覆02/28/2008 04:57:00]哦。一用開就好順架喇。。 都有1﹐2﹐3咁教你點穿線。。 識用都幾好。補下衫都好丫~~
嘩,,,你好犀利呀…
[版主回覆02/28/2008 05:00:00]客氣喇~ 其實係我唯一專長。鐘意就自然會專心做。。 哈哈~~ 你個名幾得意~~
我越睇越覺得正﹐你手功真好又creative﹐心唸其實屋企有一件都唔錯……正好你所講﹐隨時踢邊個出去訓都得﹐哈~ 同埋如果真係有個homeless 可以得到呢件睡衣+袋﹐佢將會變成一個好潮的homeless。
PS: 我最近想買一部sewing machine送俾我Mom﹐你用緊果部我係網上都見過。唔知你有冇咩recommendation 呢?
[版主回覆02/28/2008 05:06:00]首先多謝你既台舉~~ 哈哈~~ 其實我覺得brother好用過singer。singer我以前買過兩部。 車床好易死。一車d比較厚既就會死。。 唉。。 而家用緊呢部brother幾好。厚野用手(側面個轉)過。 都無問題。。 最好唔好"電腦式"果種。即係成個程式同電腦。 除左貴之外。如個電腦死了。就成部無用。。 我果隻都叫"電腦式" 但只是顯示stitch # 有跳字。 唔係要用手勁扭果隻。。。 唔明再問我丫~~ 我果部叫ex-660。你可以上網睇下係點~