功課。Homeless睡袋
用左兩日時間。喱埋係屋企但車呀車。車呀車。。
條腰痛到呢~~~~~ 因為我全程係坐在地上。部車衣亦放在地上。。
因由件野太大。根本唔可以放上臺車(怕車歪左唔知)。唯有一直烏低做。。
今次呢份功課係兩個人一組。做一件Functional Garment。。
我同阿Nat就諗住做一件野比Homeless。可以平時著。夜晚就變睡袋週街訓。。
我地在學校講左大概點設計。我就開始做。。
本身應該兩個人一齊做既。不過其實一個人做仲快。。
係辛苦D。不過兩個人點一齊車啫~?? 唔通佢等我車完。我又等佢車下咁咩。。
其實呢份功課除左設計。車工之外。仲有好多野做既。。
例如係要做一份statement。要做埋reserach既。。
要講用咩布料啦。點解啦。要做Spec Sheet & Cost Sheet啦。。
呢D都係我最憎既項目。。
不過由於件野係我整既。所以。我就要負責埋Spec & Cost囉。。
好啦。比大家睇下我呢兩日既成果啦。粗粗地。又係要用muslin。。
老公話訓入去好唔老黎喎~ 哈哈~ 我都覺。我諗到時用返防水布應該會好D~
一開始。就諗要用夾綿既料做BODY。要舒服。保暖~
但。原來自己夾綿係十分煩既事。夾左我幾個鐘呀﹗﹗
家用衣車塞唔落。勁難車﹗﹗
畫左D圈圈。要車左佢。係用來防止D綿走位。。
終於車左一塊類似棉被既物體~ Yeah﹗﹗
張紙係我隻袖呀。由於drape唔到上公仔。所以要畫紙樣。。
決定做牛角袖。因為多D活動空間。。
併左埋去剪走D布。開始車個領位。。
車好對袖。點知車錯左一邊。要拆過再車。。
配左一塊好大既布。做一個笠落黎既效果。。
等個人訓覺時有Privacy。"你睇我唔到。你睇我唔到~~
"
自己訓低。預下個位先﹗﹗
預左位。就在帽布兩邊整左個索繩detail。一索變帽﹗﹗
再在上面用mesh整一個開得既位。要黎睇野。又或者抖氣。。
Homeless都要知天光未架嘛﹗天光人地開店就要閃架喇~ 哈~
做左一個Attached Gloves。可以收入去袖入面。又可以套住手。。
再加一個類似Pillow既野在頸位。十分舒服啦~~ 哈~~
加左D麼貼在帽上同埋左右胸位。塊布咁長。日頭可以收埋變帽。
夜晚就笠落黎。貼住胸位兩邊。唔會吹起比人見到個樣。。
加埋拉錬~ 差不多喇~
件野可以褶左入去 (內有麼術貼)。變成長褸。日頭就方便行動。。
夜送晚訓交豬。就放落黎。索左衫腳條繩。關左個口。笠埋個頭。大覺訓﹗﹗
點呢~ 你地帶無興趣買返件看門口。比D衰佬訓廳時用都得架﹗
訓街。去Camp。去流浪。真係送禮自用既必備佳品﹗﹗
嘩~~你真係好叻!又幾實用喎,我鍾意
[版主回覆02/28/2008 13:27:00]謝謝呀~~ 又唔可以話叻既。因為我好多野都唔叻~~ 哈哈~~ 係幾實用既。都幾舒服幾暖架~~ 哈哈~~
真係好叻呀~ 又靚又實用~~
[版主回覆02/28/2008 13:29:00]初時咩都未配卜去好肉酸架。點知加下加下details。 又幾好睇。。哈哈。。都幾實用架。幾暖~ 其實都唔係好叻啦。多謝誇獎啦~~
好勁呀!!!!!!!!!!!!!! 我都係車野掂但唔識揸針 你呢個袋掂wo 你係咪諗住weak7 再問你幾時搵野做就著住走呀 係o既話我諗weak7 會收埋你呢件野唔比你走 樓下花槽都冇得你訓
[版主回覆02/28/2008 14:42:00]著住走ok喎﹗﹗ 哈哈~~ 唔識揸針?? 唔。其實都係篤下篤下。唔難既。。 哈哈~~
photoshop auto resize.. 暫時講唔到比你聽… 因為.. 原來部舊腦 format 0左未裝返 photoshop….
你等我…..
[版主回覆02/28/2008 14:43:00]我會試下學。隻死佬上次話過可以。又唔教我。。 等我又問下佢先~~ 唔該晒~~~~~
補充.. 終於搵到個 friend 一年前 send 比我0既 email…
To convert a large number of files to a smaller file size, the File > Automate > Batch function will come in handy. You can even use it for other kinds of edits other than converting. I am not very familiar with the function since I only used it once or twice. But the help manual will guide you through.
依! 我呢幾年嘅新年都瞓街(露營)架, 呢件嘢好似幾啱使喎, 唔該我都要一件吖, D色唔該要Sharp D嘅,
[版主回覆03/01/2008 06:44:00]係呀。我都認為愈鮮色愈好。 而家做呢件係sample。用辦布做。。 如果去camping既話。真係唔見左人都好易揾到丫嘛~ 哈哈~
掂!做你個baby都好好,Mommy会設計同做衫,好正!有冇其他唐人同学仔讀你個科傢?
[版主回覆03/01/2008 06:46:00]哈~ 都有既。有一個台灣妹 同 一個中國女人。。 就係我地幾個唐人喇~~ 哈~~
嘩, 三妹~ 我要訂做呀~~
[版主回覆03/01/2008 06:47:00]三佬你去camping呀?? 哈哈~~ 好好好。等我揾日飛過黎同你度身訂做﹗﹗ 哈哈~~
嘩..咁你真係要小心呢…好彩有水晶甲擋住..如果唔係你就整到隻手指呢…
[版主回覆03/01/2008 06:47:00]係呀。哈哈~ 可能會瘀左咁啦~~
兩日做件衫, 真勁! 我好尊重你啊!!!!!!!!!!!!!!!!!!!
[版主回覆03/01/2008 06:49:00]多謝多謝~ 過獎喇。。 咁又唔使講到尊重咁緊要 (唔係應該用尊敬架咩) 。平輩啫~