功課。Homeless睡袋
用左兩日時間。喱埋係屋企但車呀車。車呀車。。
條腰痛到呢~~~~~ 因為我全程係坐在地上。部車衣亦放在地上。。
因由件野太大。根本唔可以放上臺車(怕車歪左唔知)。唯有一直烏低做。。
今次呢份功課係兩個人一組。做一件Functional Garment。。
我同阿Nat就諗住做一件野比Homeless。可以平時著。夜晚就變睡袋週街訓。。
我地在學校講左大概點設計。我就開始做。。
本身應該兩個人一齊做既。不過其實一個人做仲快。。
係辛苦D。不過兩個人點一齊車啫~?? 唔通佢等我車完。我又等佢車下咁咩。。
其實呢份功課除左設計。車工之外。仲有好多野做既。。
例如係要做一份statement。要做埋reserach既。。
要講用咩布料啦。點解啦。要做Spec Sheet & Cost Sheet啦。。
呢D都係我最憎既項目。。
不過由於件野係我整既。所以。我就要負責埋Spec & Cost囉。。
好啦。比大家睇下我呢兩日既成果啦。粗粗地。又係要用muslin。。
老公話訓入去好唔老黎喎~ 哈哈~ 我都覺。我諗到時用返防水布應該會好D~
一開始。就諗要用夾綿既料做BODY。要舒服。保暖~
但。原來自己夾綿係十分煩既事。夾左我幾個鐘呀﹗﹗
家用衣車塞唔落。勁難車﹗﹗
畫左D圈圈。要車左佢。係用來防止D綿走位。。
終於車左一塊類似棉被既物體~ Yeah﹗﹗
張紙係我隻袖呀。由於drape唔到上公仔。所以要畫紙樣。。
決定做牛角袖。因為多D活動空間。。
併左埋去剪走D布。開始車個領位。。
車好對袖。點知車錯左一邊。要拆過再車。。
配左一塊好大既布。做一個笠落黎既效果。。
等個人訓覺時有Privacy。"你睇我唔到。你睇我唔到~~
"
自己訓低。預下個位先﹗﹗
預左位。就在帽布兩邊整左個索繩detail。一索變帽﹗﹗
再在上面用mesh整一個開得既位。要黎睇野。又或者抖氣。。
Homeless都要知天光未架嘛﹗天光人地開店就要閃架喇~ 哈~
做左一個Attached Gloves。可以收入去袖入面。又可以套住手。。
再加一個類似Pillow既野在頸位。十分舒服啦~~ 哈~~
加左D麼貼在帽上同埋左右胸位。塊布咁長。日頭可以收埋變帽。
夜晚就笠落黎。貼住胸位兩邊。唔會吹起比人見到個樣。。
加埋拉錬~ 差不多喇~
件野可以褶左入去 (內有麼術貼)。變成長褸。日頭就方便行動。。
夜送晚訓交豬。就放落黎。索左衫腳條繩。關左個口。笠埋個頭。大覺訓﹗﹗
點呢~ 你地帶無興趣買返件看門口。比D衰佬訓廳時用都得架﹗
訓街。去Camp。去流浪。真係送禮自用既必備佳品﹗﹗
hi~雖然我唔係睇曬你個blog既所有日誌~不過我愈黎愈鐘意睇啦~
因為你同老公仔所發生既野都係開心既多~
有時唔開心走黎睇下你個blog,睇到你地兩個既野會開心返d~
又會諗一諗~可以點樣改善到同男朋友而家個相處方式~
不過anyway~nice to meet u
[版主回覆02/28/2008 05:08:00]歡迎呀~~ 其實我同老公都好努力學習相處。 時不時都會講出大家既感受。 或者真係好愛對方。令所有野都變得美好啦~ 其實只要係顧對方感受。想對方開心。不知不覺。 已經會出現一個好關係架喇~~
wa 好勁呀你=]
[版主回覆02/28/2008 05:09:00]哈哈~~ 都唔係好勁啫~~ 已經係好粗製架喇。。d位大約度。唔係十分準架~ 哈~
嘩…您個設計簡直攞獎啦….我真係想叫您幫我做1000件等我送比人啦…..您真係好勁呀!!!
[版主回覆02/28/2008 05:11:00]多謝多謝~ 1000件?? 難道你係關注homeless既義工??? 定係送比班姐妹。比佢地d老公訓廳呀??
哇…連"夾棉"都自己整埋…你好勁呀…
[版主回覆02/28/2008 05:12:00]呢part最辛苦。完全出乎意料會花咁多時間。。 呢part真係幾勁(淨係呢part)。因為夾硬車。部機都過唔到~
好勁, 好叻呀妳 !!!! 依樣功課咁晒妳啦. 唔使瞓花糟咁辛苦啦~
有冇多一個呀?
[版主回覆02/28/2008 05:13:00]哈哈~ 著住訓花糟啦咁~ 多一個? 比你定你男友呀??
美觀又實用,好有創意呀
幾錢件呀? Waiting list 要等幾耐呀
[版主回覆02/28/2008 05:15:00]哈哈~ 真係想買?? 自用定送禮先?? 好多人排隊呀。等通知啦~~ 哈哈~~~ (不負責任)
我講個秘密你知 我連直線都車唔到
[版主回覆02/28/2008 13:20:00]我一開始(中2) 都覺得好難。。 點知車車下。發現勁快咁過。就好直架喇~~ 所以我而家車野好快~~
你真係超有耐性呀~
俾著我0係夾綿個時已經發哂老脾唔整喇~ 哈哈哈!!
我個仔既睡袋好鬼貴, 而家先知原來係咁超值, 因為原來整一個睡袋係咁辛苦咁多功夫架!!
[版主回覆02/28/2008 13:23:00]係呀。不過講真。如果講超值。西裝永遠係最值錢既衣物。 事關一定要手工好好。十分值得比既~~ 至於睡袋。我諗無廠會逐件逐件夾綿。。 佢地用既布料。已經係夾綿布。。 不過老師講明用muslin做。我先要自己夾啫~~
對呢件嘢有啲興趣,您嘅傑作註銷咗未?小心比人抄襲啊!!
[版主回覆02/28/2008 13:25:00]未呀。。哈哈。。如果比人抄左。你地幫我做証呀﹗﹗ 哈哈~~ 我阿哥話買個idea比政府。等佢做黎比homeless。 到時收版權收到手軟。。哈哈~~~
嘩~~ 你可以開舖頭喇…. 連呢樣都整到… 小女子甘拜下風
[版主回覆02/28/2008 13:26:00]多謝多謝。。 其實。。我既目標。。係做到一個好似BCBG既牌子。。 走呢個路線。。 我要努力呀﹗﹗﹗